నిర్భయ దోషులకు యథాతథంగా ఉరిశిక్ష

దిల్లీ హైకోర్టు తీర్పు

దిల్లీ: నిర్భయ హత్యాచార ఘటనలో దోషులకు దిల్లీ హైకోర్టులో చుక్కెదురైంది. డెత్‌వారెంట్లపై స్టే ఇవ్వని పటియాల హౌస్‌ కోర్టు తీర్పును సవాలు చేస్తూ..నలుగురు దోషుల్లో ముగ్గురు మరోసారి హైకోర్టు తలుపు తట్టిన విషయం తెలిసిందే.  అయితే మరికొన్ని గంటల్లో  ఉరిశిక్ష ఎదుర్కోనున్న వీరి పిటిషన్‌ను న్యాయస్థానం కొట్టివేసింది. దీనిపై విచారణ చేపట్టిన జస్టిస్‌ మన్మోహన్‌ నేతృత్వంలోని ధర్మాసనం యథాతథంగా ఉరిశిక్ష అమలు చేయాలని తీర్పునిచ్చింది. నిర్భయ దోషుల తరఫు న్యాయవాది లేవనెత్తిన అంశాలను న్యాయస్థానం తోసిపుచ్చింది. ఉరి అమలుపై స్టే ఇచ్చేందుకు నిరాకరించింది. దీంతో  శుక్రవారం ఉదయం 5.30 గంటలకు తిహాడ్‌ కేంద్ర కారాగారంలో నిర్భయ దోషులను ఉరి తీయనున్నారు.