Updated : 21 Mar 2020 13:06 IST

శానిటైజర్‌, మాస్క్‌ ధరలు ఇంతలోపే ఉండాలి..

దిల్లీ: దేశంలో కరోనా వైరస్‌ (కొవిడ్‌-19) వ్యాప్తిని ఆసరాగా చేసుకుని శానిటైజర్‌, మాస్క్‌ల ధరలు చుక్కలనంటుతున్నాయి. రిటైల్‌ దుకాణాలే కాకుండా ఆన్‌లైన్‌ సంస్థలు కూడా వీటి రేట్లను విపరీతంగా పెంచేస్తున్నాయి. ఈ దోపిడీని అరికట్టడానికి కేంద్ర వినియోగదారుల వ్యవహారాల శాఖ మంత్రి రామ్‌ విలాస్‌ పాశవాన్‌ హెచ్చరికలు జారీ చేశారు. 200 ఎంఎల్‌ శానిటైజర్ బాటిల్‌ ధర రూ.100, మాస్క్‌ ధర రూ.10కి మించరాదని ఆయన ప్రకటించారు. ఈ ఆదేశాలు 30 జూన్‌, 2020 వరకూ అమలులో ఉంటాయని తెలిపారు.

ప్రస్తుతం భారత్‌లో కరోనా బాధితుల సంఖ్య 271కి చేరింది. కరోనా వైరస్‌ దరిచేరకుండా ఉండాలంటే చేతులను శుభ్రంగా ఉంచుకోవటం, సామాజిక దూరం పాటించటం అతి ముఖ్యమని నిపుణులు సూచిస్తున్నారు. ఈ నేపథ్యంలో శానిటైజర్లు, మాస్కులకు డిమాండు విపరీతంగా పెరిగింది. ఈ పరిస్థితిని అవకాశంగా తీసుకుని వాటి ధరలు పెంచి విక్రయిస్తున్నారంటూ పలువురు సోషల్‌ మీడియా ద్వారా ఫిర్యాదు చేస్తున్నారు. కొన్ని కంపెనీలు మాస్కులు, శానిటైజర్లను 15 రెట్ల అధిక ధరకు కూడా అమ్ముతున్నాయని వాపోతున్నారు. ఈ నేపథ్యంలో వీటి ధరలను నియంత్రిస్తూ కేంద్రప్రభుత్వం హెచ్చరికలు జారీచేసింది.



 

Read latest India News and Telugu News

 Follow us on Facebook, Twitter, Instagram, Koo, ShareChat and Google News.

Tags :

గమనిక: ఈనాడు.నెట్‌లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు, సంస్థల నుంచి వస్తాయి. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సు సాంకేతికతతో పంపబడతాయి. ఏ ప్రకటనని అయినా పాఠకులు తగినంత జాగ్రత్త వహించి, ఉత్పత్తులు లేదా సేవల గురించి సముచిత విచారణ చేసి కొనుగోలు చేయాలి. ఆయా ఉత్పత్తులు / సేవల నాణ్యత లేదా లోపాలకు ఈనాడు యాజమాన్యం బాధ్యత వహించదు. ఈ విషయంలో ఉత్తర ప్రత్యుత్తరాలకి తావు లేదు.


మరిన్ని

జిల్లా వార్తలు

సినిమా

మరిన్ని

బిజినెస్

మరిన్ని

క్రీడలు

మరిన్ని

పాలిటిక్స్

మరిన్ని

వెబ్ ప్రత్యేకం

మరిన్ని

జనరల్

మరిన్ని