50 నిమిషాల్లోనే కొవిడ్‌ నిర్ధారణ

సరికొత్త కిట్‌ను ఆవిష్కరించిన బ్రిటన్‌ శాస్త్రవేత్తలు

లండన్‌: కొవిడ్‌-19 వ్యాధిని వేగంగా గుర్తించగల సరికొత్త కిట్‌ను బ్రిటన్‌లోని ఈస్ట్‌ ఆంగ్లియా విశ్వవిద్యాలయం(యూఈఏ) పరిశోధకులు ఆవిష్కరించారు. అది కేవలం 50 నిమిషాల్లోనే రోగ నిర్ధారణ జరుపుతుంది. వ్యక్తుల గొంతు నుంచి సేకరించిన నమూనాల్లో ఆర్‌ఎన్‌యేను విశ్లేషించడం ద్వారా తన పనిని పూర్తి చేస్తుంది. ఇందులో ఒకేసారి 16 నమూనాలను పరీక్షించవచ్చు. స్మార్ట్‌ఫోన్‌తో అనుసంధానమై పనిచేసే ఈ కిట్‌ను నిపుణులు తమ వెంట తీసుకెళ్లవచ్చు. రెండు వారాల్లోగా అది విపణిలో అందుబాటులోకి వచ్చే అవకాశముంది.