నిత్యావసరాల కొనుగోలుకు ఎఫ్‌సీఐ అనుమతి

దిల్లీ: కరోనా వ్యాప్తి నివారణ చర్యల్లో భాగంగా సహయ చర్యల్లో పాల్గొనే స్వచ్ఛంద సంస్థలు, ఛారిటీలు భారత ఆహార సంస్థ(ఎఫ్‌సీఐ) నుంచి నేరుగా నిత్యావసరాలు కొనుగోలు చేయవచ్చని కేంద్ర ప్రభుత్వం స్పష్టం చేసింది. ఈ-ఆక్షన్‌ విధానాన్ని అనుసరించాల్సిన అవసరం లేదని వెల్లడించింది. లాక్‌డౌన్‌ ప్రారంభమైనప్పటి నుంచి ఇప్పటివరకు రాష్ట్రాలకు పది లక్షల టన్నుల ఆహార పదార్థాలు ఇచ్చినట్లు కేంద్రం పేర్కొంది. 2.2 మిలియన్ టన్నుల ఆహార పదార్ధాలను... నిల్వ ఎక్కువ ఉన్న రాష్ట్రాల నుంచి సరఫరా చేసినట్లు వెల్లడించింది. ఏ రాష్ట్రంలో ఆహార నిల్వలు ఎంత ఉన్నాయో ప్రతిరోజు సమీక్షిస్తున్నట్లు తెలిపింది. ధరలు పెరగకుండా, మార్కెట్‌లో కూడా ఆహార పదార్థాల కొరత లేకుండా చర్యలు తీసుకుంటోందని కేంద్ర ప్రభుత్వం పేర్కొంది.