భారత్‌లో 21వేల కేసులు, 681 మరణాలు

భారత్‌లో కరోనా వైరస్‌ తీవ్రత కొనసాగుతూనే ఉంది. గడచిన 24గంటల్లో దేశంలో కొత్తగా 1409 పాజిటివ్‌ కేసులు నమోదవడంతోపాటు 41మరణాలు సంభవించాయి.

Updated : 23 Apr 2020 10:59 IST

దిల్లీ: భారత్‌లో కరోనా వైరస్‌ తీవ్రత కొనసాగుతూనే ఉంది. గడచిన 24గంటల్లో దేశంలో కొత్తగా 1409 పాజిటివ్‌ కేసులు నమోదవడంతోపాటు 41మరణాలు సంభవించాయి. దీంతో దేశంలో మొత్తం పాజిటివ్‌ కేసుల సంఖ్య 21,393కి చేరిందని కేంద్ర ఆరోగ్య, కుటుంబ మంత్రిత్వశాఖ వెల్లడించింది. ఈ వైరస్‌ సోకి ఇప్పటి వరకు 681మంది మృత్యువాతపడ్డారు. మొత్తం బాధితుల్లో 4258మంది కోలుకున్నట్లు ప్రభుత్వం ప్రకటించింది. ప్రస్తుతం 16,454మంది చికిత్స పొందుతున్నారు. ఇప్పటివరకు కరోనా బారినపడి కోలుకుంటున్నవారి శాతం 19.36గా ఉందని ప్రభుత్వం తెలిపింది. గతకొన్ని రోజులులగా కరోనా నుంచి కోలుకుంటున్నవారి సంఖ్య పెరుగుతోంది. 

మహారాష్ట్ర, గుజరాత్‌లలో వైరస్‌ విజృంభణ..

మహారాష్ట్రలో కరోనా వైరస్‌ తీవ్రత అంతకంతకూ పెరుగుతూనే ఉంది. రాష్ట్రంలో ఇప్పటివరకు ఈ వైరస్‌తో 269మంది మృత్యువాతపడ్డారు. మొత్తం బాధితుల సంఖ్య 5652కు చేరడం ఆందోళన కలిగిస్తోంది. ఇక గుజరాత్‌లోనూ కరోనా విజృంభణ కొనసాగుతోంది. ఇప్పటికే అక్కడ ఈ వైరస్‌ బారినపడి 103మంది ప్రాణాలు కోల్పోయారు. కేసుల సంఖ్య 2407కి చేరింది. మధ్యప్రదేశ్‌లోనూ కరోనాతో 80మంది మరణించారు. దిల్లీలో కరోనా వైరస్‌తో మొత్తం 48మంది మరణించారు. కేసుల సంఖ్య 2248కు చేరింది.

తెలుగు రాష్ట్రాల్లో పెరిగిన తీవ్రత..

ఆంధ్రప్రదేశ్‌లో కరోనా వైరస్‌ తీవ్రత పెరుగుతూనే ఉంది. నిన్న 60పాజిటివ్‌ కేసులు నమోదయ్యాయి. దీంతో మొత్తం పాజిటివ్‌ కేసుల సంఖ్య 821కి చేరింది. మరణాల సంఖ్య ఒక్కసారిగా పెరిగింది. ఆంధ్రప్రదేశ్‌లో కరోనాతో 24మంది మరణించారు. ఇక తెలంగాణలో నిన్న 15కేసులు నిర్ధారణ కాగా మొత్తం కేసుల సంఖ్య 943కి చేరింది. ఈ వైరస్‌ బారినపడి 23మంది ప్రాణాలు కోల్పోయారు. మరో 194మంది కోలుకున్నారు.

రాష్ట్రాల వారీగా వివరాలు..

ఇవీ చదవండి.

ముందుంది మహోత్పాతం

వుహాన్‌ డైరీలో నమ్మలేని నిజాలు?

Read latest India News and Telugu News

Follow us on Facebook, Twitter, Instagram & Google News.

Tags :

గమనిక: ఈనాడు.నెట్‌లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు, సంస్థల నుంచి వస్తాయి. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సుతో పంపబడతాయి. పాఠకులు తగిన జాగ్రత్త వహించి, ఉత్పత్తులు లేదా సేవల గురించి సముచిత విచారణ చేసి కొనుగోలు చేయాలి. ఆయా ఉత్పత్తులు / సేవల నాణ్యత లేదా లోపాలకు ఈనాడు యాజమాన్యం బాధ్యత వహించదు. ఈ విషయంలో ఉత్తర ప్రత్యుత్తరాలకి తావు లేదు.


మరిన్ని

ap-districts
ts-districts

ఎక్కువ మంది చదివినవి (Most Read)

మరిన్ని