దేశంలో కూరగాయల కొరత లేదు

స్పష్టం చేసిన కేంద్ర వ్యవసాయ శాఖ మంత్రి

దిల్లీ: దేశంలో కూరగాయల కొరత లేదని కేంద్ర వ్యవసాయ, రైతు సంక్షేమ శాఖ మంత్రి నరేంద్ర సింగ్‌ తోమర్‌ బుధవారం వెల్లడించారు. లాక్‌డౌన్‌ నేపథ్యంలో ఎవరు కూడా కూరగాయలు లేక ఇబ్బంది పడటం లేదని స్పష్టం చేశారు. విలేకరుల సమావేశంలో తోమర్‌ మాట్లాడుతూ.. ‘వ్యవసాయ రంగంపై ప్రభుత్వం ప్రత్యేక శ్రద్ధ వహిస్తోంది. సంక్షోభ సమయంలో వ్యవసాయ ఆర్థిక వ్యవస్థ ముఖ్య భూమిక పోషిస్తుంది. ప్రస్తుతానికి ఎవరు కూడా కూరగాయల కొరతను ఎదుర్కోవడం లేదు’ అని వెల్లడించారు. ఈ సంక్షోభ సమయంలోనూ రైతులకు  వ్యవసాయ శాఖ రూ.17,986 కోట్లు బదిలీ చేసినట్లు మంత్రి పేర్కొన్నారు.