ఆ హత్య దారుణం: రతన్‌ టాటా

కేరళలో ఏనుగు మరణంపై ఆవేదన

ముంబయి: పేలుడు పదార్థాలతో ఉన్న పైనాపిల్ తిని ఏనుగు మరణించిన తీరుపై టాటా గ్రూప్‌ అధినేత రతన్‌ టాటా తీవ్ర ఆవేదన వ్యక్తం చేశారు. అది ‘ప్రణాళిక ప్రకారం చేసిన హత్య’ అంటూ ఆగ్రహం వ్యక్తం చేశారు. అన్యాయంగా బలైన ఆ ఏనుగుకు న్యాయం జరగాల్సిన అవసరం ఉందని ట్విటర్ వేదికగా కోరారు.  

‘ఎవరికీ హాని తలపెట్టని, గర్భంతో ఉన్న అమాయక ఏనుగుకు పేలుడు పదార్థాలతో నిండిన పైనాపిల్‌ను కొందరు వ్యక్తులు ఉద్దేశపూర్వకంగానే అందించి దాని మరణానికి కారణమయ్యారన్న విషయం తెలుసుకొని తీవ్ర ఆవేదనకు గురయ్యాను. ఆ విషయం నన్ను షాక్‌కు గురిచేసింది. ఇది కూడా ప్రణాళిక ప్రకారం మనుషులను హత్యచేయడం వంటిదే. ఏనుగుకు న్యాయం జరగాలి’ అని టాటా ట్వీట్ చేశారు. ఈ దారుణ హత్యపై నెట్టింట్లో తీవ్ర నిరసన వ్యక్తమవుతోంది. కాగా, ఈ ఘటనపై వన్యప్రాణి నేర దర్యాప్తు బృందం దర్యాప్తు చేస్తుందని బుధవారం కేరళ ప్రభుత్వం వెల్లడించింది. దీనిపై కేంద్రం రాష్ట్రప్రభుత్వాన్ని నివేదిక కోరింది. 

ఇవీ చదవండి:

నమ్మింది..మోసపోయింది..!