అలబామాలో కాల్పులు: ఏడుగురి మృతి

వాల్హెర్మోసో స్ప్రింగ్స్: అమెరికాలోని అలబామా రాష్ట్రంలో గురువారం రాత్రి చోటుచేసుకున్న కాల్పుల ఘటనలో ఏడుగురు మృతి చెందారు. స్థానిక కాలమానం ప్రకారం గురువారం రాత్రి పదకొండు గంటల ప్రాంత్రంలో కాల్పులు ఘటన జరిగినట్లు మోర్గాన్‌ కౌంటి షరీఫ్ తెలిపారు. 

మోర్గాన్‌ కౌంటీ ప్రాంతంలోని వాల్హెర్మోసో స్ర్పింగ్స్‌లో ఓ ఇంట్లో కాల్పులు చోటుచేసుకున్నట్లు సమాచారం అదడంతో పోలీసులు అక్కడికి చేరుకున్నారు. అప్పటికే ఆ ఇంటికి మంటలు అంటుకోవడంతో వాటిని అదుపులోకి తీసుకువచ్చి.. లోనికి వెళ్లి చూడగా ఏడుగురు మృతి చెంది ఉండటాన్ని గుర్తించినట్లు తెలిపారు. ఈ ఘటనపై దర్యాప్తు చేస్తున్నట్లు వెల్లడించారు. ఇప్పటి వరకూ ఎవరినీ అదుపులోకి తీసుకోలేదని పోలీసులు తెలిపారు.