Updated : 18/06/2020 10:02 IST

గాల్వన్‌లో ఏం జరుగుతుందో మోదీ చెప్పాలి!

దిల్లీ: లద్దాఖ్‌లోని గాల్వన్ లోయలో ఏం జరుగుతుందనేది ప్రధాని మోదీ దేశానికి చెప్పాలని కాంగ్రెస్‌ అధ్యక్షురాలు సోనియా గాంధీ డిమాండ్‌ చేశారు. చైనాతో జరిగిన ఘర్షణలో అమరులైన 20మంది భారత్ సైనికులకు నివాళులర్పిస్తూ సోనియా ఈ వ్యాఖ్యలు చేశారు. గాల్వన్ లోయ ఘటనలో ఎంత మంది సైనికులు గాయపడ్డారు?ఎంతమంది ఆచూకీ తెలియరావడం లేదు వంటి వివరాలు కాంగ్రెస్‌ పార్టీ తెలుసుకోవాలనుకుంటోందన్నారు. అలాగే ఈ విషయంలో ప్రభుత్వం తీసుకునే చర్యలకు తమ పార్టీ మోదీ సర్కార్‌కు, సైన్యానికి మద్దతుగా ఉంటుందని చెప్పారు.  

‘‘20మంది సైనికుల త్యాగాలు దేశాన్ని కదిలించాయి. వీరమరణం పొందిన జవాన్లకు నా హృదయపూర్వక నివాళి. వారి మరణాన్ని తట్టుకునే శక్తి కుటుంబ సభ్యులకు ఇవ్వాలని ఆ భగవంతుడిని ప్రార్థిస్తున్నాను. ఈ సందర్భంగా యావత్‌ దేశం శత్రు దేశానికి వ్యతిరేకంగా నిలబడుతుంది. చైనా ఏవిధంగా, ఎంతమేర భారత్ భూభాగాన్ని ఆక్రమించుకుందో ప్రధాని మోదీ దేశానికి చెప్పాలి. ఇంకా ఎంత మంది సైనికుల ఆచూకీ తెలియ రావడంలేదు? పరిస్థితులను చక్కదిద్దేందుకు ప్రభుత్వం ఎలాంటి చర్యలు తీసుకోవాలనుకుంటుందో చెప్పాలి’’ అని సోనియా డిమాండ్‌ చేశారు. ఆమె ఈ వ్యాఖ్యలు చేసిన కొద్దిసేపటికి ప్రధాని మోదీ గాల్వన్ ఘటనపై స్పందించారు. భారత్ శాంతిని కోరుకుంటోందని, రెచ్చగొట్టే చర్యలకు పాల్పడితే దీటుగా బదులిచ్చే సత్తా భారత్‌కు ఉందన్నారు. 


Read latest India News and Telugu News

 Follow us on Facebook, Twitter, Instagram, Koo, ShareChat and Google News. Subscribe our Telegram Channel.

Advertisement

Tags :

మరిన్ని

జిల్లా వార్తలు

సినిమా

మరిన్ని

బిజినెస్

మరిన్ని

క్రీడలు

మరిన్ని

పాలిటిక్స్

మరిన్ని

వెబ్ ప్రత్యేకం

మరిన్ని

జనరల్

మరిన్ని