35 అడుగుల తిమింగలం మృతి

కోల్‌కతా: పశ్చిమబెంగాల్‌లోని మందార్‌మని బీచ్‌లో 35 అడుగుల తిమింగలం మృతదేహం ఒకటి కొట్టుకొచ్చింది. ఈ బీచ్‌ కోల్‌కతాకు దాదాపు 150 కిలోమీటర్ల దూరంలో ఉంది. ఉదయం స్థానికులు వచ్చి చూసేసరికి అక్కడ రక్తపు మడుగులో పడిఉన్న ఓ భారీ తిమింగలం కనిపించింది.  తిమింగలం మృతదేహంపై గాయాలు కనిపిస్తున్నాయి. సమాచారం అందుకొన్న తూర్పు మిడ్నాపూర్‌ ప్రాంతానికి చెందిన అటవీశాఖ, వన్యప్రాణుల అధికారులు అక్కడకు చేరుకొని పరిశీలించగా తలపై గాయాలు కనిపించాయి. మందార్‌మని ప్రాంతం బాగా పేరున్న పర్యాటక ప్రదేశం. ఇక్కడికి డిఘా బీచ్‌ కూడా ఉంది. కరోనావైరస్‌ కారణంగా ఈ రెండు బీచ్‌లను అధికారులు మూసేశారు.