సౌదీలో ఇసుక తుపాను.. అంతరిక్షం నుంచి ఇలా..

ఖతార్‌ : యూఏఈ, ఖతార్‌, సౌదీ అరేబియా ప్రాంతాల్లో ఇసుక తుపాను బీభత్సం సృష్టిస్తోంది. ఈ ఇసుక తుపాను అంతరిక్షం నుంచి కూడా కనిపిస్తోంది. ఇందుకు సంబంధించిన చిత్రాలను అమెరికా వ్యోమగామి డగ్‌ హర్లీ అంతర్జాతీయ అంతరిక్ష కేంద్రం నుంచి క్లిక్‌మనిపించారు.

ప్రస్తుతం ఐఎస్‌ఎస్‌లో ఉన్న హర్లీ.. ఈ ఇసుక తుపానుకు సంబంధించిన చిత్రాలను ట్వీట్‌ చేశారు. సహారా ఎడారి నుంచి ఓ భారీ దుమ్ము తుపాను అమెరికాలోని పలు ప్రాంతాలకు వ్యాపించింది. దాదాపు 8 వేల కి.మీలకుపైగా ప్రయాణించి శనివారం అక్కడికి చేరుకుంది. అంతకుముందు హర్లీ పశ్చిమ-మధ్య అట్లాంటిక్‌లోని సహారన్‌ దుమ్ము తుపానుకు సంబంధించిన చిత్రాలను పంచుకున్నారు. ప్రస్తుతం ఈ చిత్రాలు నెట్టింట్లో వైరల్‌గా మారాయి.