Updated : 10 May 2021 12:01 IST

కాడా.. నిమ్మకాయ.. విటమిన్‌ మాత్రలు 

 దిల్లీ సరిహద్దుల్లో రైతుల ‘కరోనా’ జాగ్రత్తలు

దిల్లీ: కరోనా మహమ్మారి ఉద్ధృతంగా ఉన్న ప్రస్తుత పరిస్థితుల్లోనూ సాగు చట్టాలకు వ్యతిరేకంగా దిల్లీ సరిహద్దుల్లో రైతులు ఆందోళన నిర్వహిస్తున్నారు. అదే సమయంలో కరోనా సోకకుండా జాగ్రత్తలూ తీసుకుంటున్నారు. ‘‘సింఘు సరిహద్దులో ఇప్పటివరకు పెద్దగా కరోనా వైరస్‌ కేసులు లేవు. రైతులు ‘కాడా’ (మూలికలు, వివిధ మసాలాలతో తయారు చేసిన రసం), నిమ్మకాయ నీళ్లు, విటమిన్‌ మాత్రలు వాడుతున్నారు. ఆందోళన పడాల్సిన అవసరమే లేదు’’ అని సుఖ్వీందర్‌ అనే రైతు తెలిపారు. ఆరోగ్యకరమైన ఆహారంతో తాము కరోనాను జయిస్తున్నామని చెప్పారు. తాము ఆందోళన చేస్తున్న ప్రాంతాల్లో టీకా కేంద్రాలు తెరవాలని కొందరు రైతులు డిమాండ్‌ చేస్తున్నారు. ‘‘టిక్రి సరిహద్దు దగ్గర వ్యాక్సినేషన్‌ కేంద్రం పెట్టాలని డిమాండ్‌ చేశాం. ఇప్పటివరకు అధికారులు స్పందించలేదు’’ అని ఓ రైతు చెప్పారు. మరోవైపు కొవిడ్‌ మహమ్మారి పోరులో రైతులూ భాగస్వాములు అవుతున్నారు. ఆక్సిజన్‌ లంగర్లు ప్రారంభించామని, ఇందులోంచి కొవిడ్‌ రోగులకు సిలిండర్లు అందిస్తున్నామని రైతు నాయకుడు ధర్మేంద్ర మాలిక్‌ తెలిపారు


 

Read latest India News and Telugu News

Follow us on Facebook, Twitter, Instagram, Koo, ShareChat, and Google News.

Tags :

గమనిక: ఈనాడు.నెట్‌లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు, సంస్థల నుంచి వస్తాయి. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సు సాంకేతికతతో పంపబడతాయి. ఏ ప్రకటనని అయినా పాఠకులు తగినంత జాగ్రత్త వహించి, ఉత్పత్తులు లేదా సేవల గురించి సముచిత విచారణ చేసి కొనుగోలు చేయాలి. ఆయా ఉత్పత్తులు / సేవల నాణ్యత లేదా లోపాలకు ఈనాడు యాజమాన్యం బాధ్యత వహించదు. ఈ విషయంలో ఉత్తర ప్రత్యుత్తరాలకి తావు లేదు.


మరిన్ని

ap-districts
ts-districts

ఎక్కువ మంది చదివినవి (Most Read)

మరిన్ని