Lawyer: దేశంలోనే పొట్టి ప్లీడర్‌..

చంఢీగఢ్‌: ఒకప్పుడు ఆమెను అపహాస్యం చేసిన నోళ్లే ఇప్పుడు ప్రశంసలతో ముంచెత్తున్నాయి. హేళన చేసినవారే చేతులెత్తి నమస్కరిస్తున్నారు. తోటి విద్యార్థులు ఎగతాళి చేస్తున్నారని స్కూల్‌ మానేసిన ఓ దివ్యాంగురాలు.. 24 ఏళ్లకు లాయర్‌గా మారి అందరీ మన్ననలు పొందుతున్నారు. 3 అడుగుల 11 అంగుళాల ఎత్తున్న ఆమె పంజాబ్‌కు చెందిన హర్విందర్‌ కౌర్‌ అలియాస్‌ రూబి. పదేళ్ల వరకు రూబీ జీవితం సాఫీగానే సాగింది. తోటి పిల్లలతో కలిసి సరదాగా ఉండేది. ఎత్తు పెరగకపోవడం వల్ల తను ఇతరుల్లా కాదని ఆమెకు అప్పుడే అర్థమైంది. ఇతరులు తనను చిన్నచూపు చూడటం భరించలేకపోయింది. దీంతో పాఠశాలపై ద్వేషం పెరిగి ఇంటికే పరిమితమైంది. తన శక్తిసామర్థ్యాలపై తనకే విశ్వాసం సన్నగిల్లింది. కానీ ఎదైనా సాధించాలనే సంకల్పంతో లాయర్‌ కావాలని నిర్ణయించుకుంది.