Train Coaches Lease: లీజుకు రైలు బోగీలు.. ఆసక్తి ఉన్నవారు కొనుక్కోవచ్చు

రైల్వే శాఖ సన్నాహాలు

ఈనాడు, దిల్లీ: ఇప్పటివరకు రైళ్లను అద్దెకు (లీజుకు) ఇచ్చిన రైల్వేశాఖ ఇప్పుడు బోగీలను అద్దెకు ఇచ్చే వినూత్న ప్రయత్నం మొదలుపెట్టింది. ఆసక్తి ఉన్న ఎవరైనా బోగీలను అద్దెకు తీసుకొని, వాటిని తమ ఆసక్తికి అనుగుణంగా తీర్చిదిద్దుకుని ఉపయోగించుకొనే కొత్త పద్ధతికి శ్రీకారం చుడుతున్నట్లు శనివారం ఓ ప్రకటనలో వెల్లడించింది. కొత్త విధానంలో ఆసక్తిగల వారికి అనువైన రీతిలో బోగీలను తీర్చిదిద్ది అద్దెకు ఇస్తారు. లేదంటే శాశ్వతంగానూ కొనుగోలు చేసుకోవచ్చు. బోగీ లీజు కాలపరిమితి కనీసం అయిదేళ్లు. తర్వాత ఆ లీజును దాని జీవితకాలం వరకు పొడిగించవచ్చు. రూట్లు, టారిఫ్‌ నిర్ణయాధికారం అద్దెకు తీసుకున్న వారికే ఉంటుంది. ఈ బోగీలను సాంస్కృతిక, మతపరమైన, ఇతర పర్యాటక సర్క్యూట్‌ రైళ్లుగా నడపొచ్చని రైల్వేశాఖ అభిప్రాయపడింది.

► Read latest India News and Telugu News

► Follow us on Facebook, Twitter, Instagram, Koo, ShareChat and Google News.

ఇవీ చదవండి

Tags :

గమనిక: ఈనాడు.నెట్‌లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు, సంస్థల నుంచి వస్తాయి. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సు సాంకేతికతతో పంపబడతాయి. ఏ ప్రకటనని అయినా పాఠకులు తగినంత జాగ్రత్త వహించి, ఉత్పత్తులు లేదా సేవల గురించి సముచిత విచారణ చేసి కొనుగోలు చేయాలి. ఆయా ఉత్పత్తులు / సేవల నాణ్యత లేదా లోపాలకు ఈనాడు యాజమాన్యం బాధ్యత వహించదు. ఈ విషయంలో ఉత్తర ప్రత్యుత్తరాలకి తావు లేదు.