Published : 27 Oct 2021 10:40 IST

Corona Virus: సీజనల్‌ వ్యాధిలా కరోనా

లండన్‌: ఉష్ణోగ్రత, తేమ తగ్గినప్పుడు వచ్చే సీజనల్‌ ఇన్‌ఫెక్షన్‌గా కొవిడ్‌-19 మారి ఉండొచ్చని శాస్త్రవేత్తలు పేర్కొన్నారు. ఇందుకు గట్టి ఆధారాలు లభిస్తున్నాయని చెప్పారు. ఇది చాలావరకూ సీజనల్‌ ఇన్‌ఫ్లూయెంజాలా రూపాంతరం చెంది ఉండొచ్చని తెలిపారు. గాలి ద్వారా కరోనా వ్యాప్తి జరుగుతోందన్న వాదనను ఇది సమర్థిస్తోంది. ఈ నేపథ్యంలో పరిసరాల్లోని గాలి పరిశుభ్రంగా ఉంచుకోవాలని పరిశోధకులు పేర్కొన్నారు. స్పెయిన్‌లోని బార్సిలోనా ఇన్‌స్టిట్యూట్‌ ఫర్‌ గ్లోబల్‌ హెల్త్‌కు చెందిన శాస్త్రవేత్తలు ఈ పరిశోధన చేశారు. శాస్త్రవేత్తలు మొదట నిర్వహించిన సైద్ధాంతిక నమూనా అధ్యయనంలో.. కొవిడ్‌ వ్యాప్తిలో వాతావరణం ఒక కారకం కాదని వెల్లడైంది. అయితే ఈ మహమ్మారి చైనాలో తొలుత ఉత్పన్నమైన ప్రాంతాన్ని వారు పరిశీలించారు. అది 30, 50 డిగ్రీల ఉత్తర అక్షాంశాల మధ్య ఉన్నట్లు గుర్తించారు. అక్కడ గాల్లో తేమ చాలా తక్కువగా ఉన్నట్లు తేల్చారు. అలాగే ఉష్ణోగ్రత కూడా 5 డిగ్రీల నుంచి 11 డిగ్రీల సెల్సియస్‌ మధ్య ఉన్నట్లు గుర్తించారు. ఈ నేపథ్యంలో 162 దేశాల్లో కొవిడ్‌ వ్యాప్తి మొదటి దశలో ఉన్నప్పుడు ఉష్ణోగ్రతలు, తేమ చూపిన ప్రభావాన్ని పరిశీలించారు. ఉష్ణోగ్రతలు, తేమ తక్కువగా ఉన్నప్పుడు వ్యాధి వ్యాప్తి రేటు ఎక్కువగా ఉందని తేల్చారు. ఈ రెండు పరామితులు పెరిగినప్పుడు కొవిడ్‌ ఉద్ధృతి తగ్గుముఖం పట్టిందని తెలిపారు. వేసవిలో మాత్రం ఈ పోకడ విచ్ఛిన్నమైందని పేర్కొన్నారు. ఆ కాలంలో యువత ఎక్కువగా గుమికూడటం, పర్యాటకులు పెరగడం, ఏసీల వినియోగం వంటివి ఇందుకు దోహదపడి ఉండొచ్చన్నారు.

Read latest India News and Telugu News

 Follow us on Facebook, Twitter, Instagram, Koo, ShareChat and Google News.

Tags :

గమనిక: ఈనాడు.నెట్‌లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు, సంస్థల నుంచి వస్తాయి. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సు సాంకేతికతతో పంపబడతాయి. ఏ ప్రకటనని అయినా పాఠకులు తగినంత జాగ్రత్త వహించి, ఉత్పత్తులు లేదా సేవల గురించి సముచిత విచారణ చేసి కొనుగోలు చేయాలి. ఆయా ఉత్పత్తులు / సేవల నాణ్యత లేదా లోపాలకు ఈనాడు యాజమాన్యం బాధ్యత వహించదు. ఈ విషయంలో ఉత్తర ప్రత్యుత్తరాలకి తావు లేదు.


మరిన్ని

జిల్లా వార్తలు

సినిమా

మరిన్ని

బిజినెస్

మరిన్ని

క్రీడలు

మరిన్ని

పాలిటిక్స్

మరిన్ని

వెబ్ ప్రత్యేకం

మరిన్ని

జనరల్

మరిన్ని