Published : 21/11/2021 14:11 IST

ప్రేమించినంత మాత్రాన అన్నింటికీ అంగీకరించినట్టు కాదు

కేరళ హైకోర్టు

కోచి: మహిళ ఓ వ్యక్తిని ప్రేమించినంత మాత్రాన అతడు లైంగిక సంబంధం పెట్టుకోవడానికి అంగీకరించినట్టు కాదని కేరళ హైకోర్టు స్పష్టం చేసింది. ఆమె ఒప్పుకొందని ఊహించడం కూడా సరికాదని తెలిపింది. ఆమెను బలవంతపెట్టి లైంగిక సంబంధం పెట్టుకుంటే అది అపహరణతో పాటు, అత్యాచారం కిందకే వస్తుందని జస్టిస్‌ ఆర్‌. నారాయణ పిషరది తీర్పు చెప్పారు. ‘‘నిస్సహాయ స్థితిలో, గత్యంతరం లేని పరిస్థితుల్లో ఆమె లైంగిక సంబంధంలో పాల్గొంటే అది అంగీకారం కిందికి కాదు. అంగీకారానికి, లొంగుబాటుకు చాలా తేడా ఉంది. ప్రేమిస్తున్నంత మాత్రాన ఆమె అన్నింటికీ అంగీకరిస్తున్నట్టుగా భావించకూడదు’’ అని తెలిపారు. శ్యాం శివన్‌ అనే 26 ఏళ్ల వ్యక్తి తాను ప్రేమిస్తున్న బాలికను బెదిరించి మైసూరు తీసుకువెళ్లాడు. అక్కడ ఆమెపై అత్యాచారం చేశాడు. ఆమె నగలు విక్రయించి మళ్లీ గోవా తీసుకువెళ్లాడు. అక్కడ కూడా మరోసారి అత్యాచారం చేశాడు. అంగీకరించకపోతే ఇంటి ముందే ఆత్మహత్య చేసుకుంటానని బెదిరించడంతో ఆమె వెళ్లకతప్పింది కాదు. దీనిపై కేసు నమోదు కాగా ఆమె ఎక్కడా ప్రతిఘటించలేదని, అంతా అంగీకారంతోనే జరిగిందని నిందితుడు వాదించాడు. దీనిని అంగీకరించని ట్రయల్‌ కోర్టు అతనికి అత్యాచార నేరం కింద శిక్ష విధించింది. దీనిపై హైకోర్టులో అప్పీలు చేయగా, కింది కోర్టు తీర్పునే సమర్థించింది. బాధితురాలి వయసు నిర్ధరణ కాకపోవడంతో పోక్సో చట్టం కింద విధించిన శిక్షను మాత్రం కొట్టివేసింది. 

Read latest India News and Telugu News

 Follow us on Facebook, Twitter, Instagram, Koo, ShareChat and Google News. Subscribe our Telegram Channel.

Advertisement

Tags :

మరిన్ని

జిల్లా వార్తలు

సినిమా

మరిన్ని

బిజినెస్

మరిన్ని

క్రీడలు

మరిన్ని

పాలిటిక్స్

మరిన్ని

వెబ్ ప్రత్యేకం

మరిన్ని

జనరల్

మరిన్ని