రూ.5 వేలకే కారవాన్‌.. 

ఇక కేరళను చుట్టేయండి

పర్యాటకులను ఆకర్షించేందుకు.. కేరళ ప్రభుత్వం సరికొత్త ప్రాజెక్టుతో ముందుకొచ్చింది. ‘ట్రక్‌ క్యాంపర్‌’ ప్రాజెక్టుతో పర్యాటకులు.. విలాసవంతమైన సదుపాయాలు ఉన్న కారావాన్‌లో ప్రయాణించి కేరళను చుట్టేయవచ్చు. దీనిని ఆ రాష్ట్ర పర్యాటక మంత్రి పీఏ మహమ్మద్‌ రియాజ్, రవాణా మంత్రి ఆంటోని రాజు శుక్రవారం ఆవిష్కరించారు. ఈ ప్రాజెక్టు కోసం కర్ణాటకకు చెందిన లక్స్‌ క్యాంపర్‌ సంస్థతో కేరళ సర్కారు జతకట్టింది. రోజుకు రూ. 5వేలు అద్దె ఉండే ఈ కారవాన్‌లో ఇద్దరు పడుకునేందుకు వీలుగా బెడ్‌రూం, ఏసీ, కిచెన్, బాత్‌రూం ఉంటాయి. లక్స్‌ క్యాంపర్‌ సైట్‌ ద్వారా దీనిని బుక్‌ చేసుకోవచ్చు. 2022 ఫిబ్రవరి నుంచి ఇవి అందుబాటులో ఉండనున్నాయి.