Published : 05/12/2021 12:22 IST

ద్విచక్ర వాహన నంబరులో ‘సెక్స్‌’ సిరీస్‌ తొలగించండి

రవాణాశాఖకు దిల్లీ మహిళా కమిషన్‌ ఆదేశం

దిల్లీ: దేశరాజధానిలో ద్విచక్రవాహనాల రిజిస్ట్రేషన్‌ నంబరులో ‘సెక్స్‌’ (ఎస్‌ఈఎక్స్‌) సిరీస్‌ను తొలగించాలని రవాణా శాఖను దిల్లీ మహిళా కమిషన్‌ ఆదేశించింది. ఈ మేరకు నోటీసులు కూడా జారీ చేసింది.  ఇటీవల స్కూటర్‌ కొనుగోలు చేసిన ఓ యువతి తన వాహన రిజిస్ట్రేషన్‌ నంబరులో ‘సెక్స్‌’ అనే అక్షరాలు ఉన్న సిరీస్‌ను పొందారు.

ఈ కారణంగా.. వాహనంపై బయటకు వెళ్లినప్పుడు పలు అవమానాలను ఎదుర్కొంటున్నానని, అంతేకాకుండా పలువురు ఆట పట్టిస్తున్నారని ఆవేదన వ్యక్తం చేస్తూ సదరు యువతి.. మహిళా కమిషన్‌ను ఆశ్రయించారు. నిత్యావసర సరకులు కొనడానికీ బయటకు వెళ్లలేకపోతున్నానని తన ఫిర్యాదులో పేర్కొన్నారు. ఆమె విజ్ఞప్తిని పరిగణనలోకి తీసుకున్న కమిషన్‌.. వాహన రిజిస్ట్రేషన్‌ నంబర్‌ సిరీస్‌ను వెంటనే మార్చాలని ఆదేశిస్తూ రవాణా శాఖకు నోటీసులు జారీ చేసింది. ఈ తరహా ఫిర్యాదులతో పాటు ఆ సిరీస్‌పై రిజిస్టర్‌ అయిన వాహనాల సంఖ్యనూ తమకు సమర్పించాలని పేర్కొంది. ఈ వ్యవహారంపై నాలుగు రోజుల్లో నివేదిక అందించాలని రవాణా శాఖకు సూచించింది.  

Read latest India News and Telugu News

 Follow us on Facebook, Twitter, Instagram, Koo, ShareChat and Google News. Subscribe our Telegram Channel.

Advertisement

Tags :

మరిన్ని

జిల్లా వార్తలు

సినిమా

మరిన్ని

బిజినెస్

మరిన్ని

క్రీడలు

మరిన్ని

పాలిటిక్స్

మరిన్ని

వెబ్ ప్రత్యేకం

మరిన్ని

జనరల్