Updated : 06/12/2021 12:24 IST

Akhilesh Yadav: అఖిలేశ్‌ రథంపై కలాం చిత్రం

లఖ్‌నవూ: సమాజ్‌వాదీ పార్టీ నాయకుడు అఖిలేశ్‌ యాదవ్‌ ఉపయోగిస్తున్న ఎన్నికల రథంపై మాజీ రాష్ట్రపతి ఏపీజే అబ్దుల్‌ కలాం చిత్రం ఉండడం రాజకీయ ప్రాధాన్యతను సంతరించుకొంది. ఆయన ఉపయోగిస్తున్న ‘సమాజ్‌వాదీ విజయ్‌ యాత్ర రథ్‌’పై సర్దార్‌ పటేల్, సోషలిస్టు నాయకులు ఆచార్య నరేంద్ర దేవ్, రామ్‌మనోహర్‌ లోహియా, అంబేడ్కర్‌లతో పాటు కలాంల చిత్ర పటాలు ఉన్నాయి. దేశ ప్రముఖుల నుంచి సమాజ్‌వాదీ పార్టీ స్ఫూర్తి పొందుతోందని, అందుకే వారి చిత్రపటాలను ఉపయోగిస్తున్నట్టు ఆ పార్టీ నాయకులు చెబుతున్నారు. కలాంను రాష్ట్రపతి చేయాలని తొలుత ములాయం సింగ్‌ యాదవ్‌ ప్రతిపాదించారని, దానిని గుర్తు చేసేలా ఈ చిత్రాన్ని ఉపయోగిస్తున్నారన్న వ్యాఖ్యానాలు వినిపిస్తున్నాయి. సమాజ్‌వాదీ పార్టీకి చెందిన ప్రముఖ ముస్లిం నాయకుడు అజాంఖాన్‌ వివిధ కేసుల కారణంగా ప్రస్తుతం జైలులో ఉండడంతో ఆ లోటును భర్తీ చేసి, ముస్లింలను ఆకర్షించడానికే కలాం ఫొటోను ఉపయోగించుకుంటున్నారన్న అభిప్రాయాలు కూడా ఉన్నాయి. అయితే దీన్ని ఆ నాయకులు ఖండిస్తున్నారు. కలాం శాస్త్రవేత్తే తప్ప రాజకీయ నాయకుడు కాదని గుర్తు చేస్తున్నారు. కలాంను కేవలం ముస్లింలకు పరిమితం చేయలేమని, ఆయన ప్రతి రోజూ వేదాలు చదివిన విషయాన్ని ప్రస్తావిస్తున్నారు. కలాం సేవలను ప్రజలకు గుర్తు చేసి, ఆయనపై ఉన్న గౌరవంతోనే ఫొటో పెట్టుకున్నట్టు చెబుతున్నారు. దీనిపై భాజపా నాయకుల స్పందన మరోలా ఉంది. కలాంను రాష్ట్రపతి చేసింది వాజ్‌పేయేనని, అందువల్ల ఆయన ఫొటో కూడా పెట్టుకోవాల్సి ఉంటుందని వ్యాఖ్యానిస్తున్నారు. భాజపా భావజాలానికే ఆదరణ ఉందని అఖిలేశ్‌ కూడా గుర్తించడం సంతోషకరమని అంటున్నారు. 

Read latest India News and Telugu News

 Follow us on Facebook, Twitter, Instagram, Koo, ShareChat and Google News. Subscribe our Telegram Channel.

Advertisement

Tags :

మరిన్ని

జిల్లా వార్తలు

సినిమా

మరిన్ని

బిజినెస్

మరిన్ని

క్రీడలు

మరిన్ని

పాలిటిక్స్

మరిన్ని

వెబ్ ప్రత్యేకం

మరిన్ని

జనరల్

మరిన్ని