Helicopter Crash: సాయితేజ మృతదేహం గుర్తింపు

దిల్లీ: తమిళనాడులోని నీలగిరి కొండల్లో జరిగిన ఆర్మీ హెలికాప్టర్‌ ప్రమాదంలో ప్రాణాలు కోల్పోయిన మరో ఆరుగురి మృతదేహాలను అధికారులు గుర్తించారు. చిత్తూరు జిల్లా ఎగువరేగడకు చెందిన లాన్స్‌నాయక్‌ సాయితేజ భౌతికకాయాన్ని కూడా గుర్తించినట్లు భారత సైన్యం తెలిపింది. వారి పార్థివదేహాలను ఉదయం కుటుంబసభ్యులకు అప్పగించినట్లు వెల్లడించింది. మృతదేహాలను విమానాల్లో స్వస్థలాలకు తరలించి సైనిక లాంఛనాలతో అంత్యక్రియలు నిర్వహించనున్నట్లు తెలిపింది. నలుగురు వాయుసేన సిబ్బంది మృతదేహాలను సైతం గుర్తించారు. మిగిలిన మృతదేహాలను గుర్తించే ప్రక్రియ కొనసాగుతుందని భారత సైన్యం వెల్లడించింది.

సాయితేజతో పాటు జూనియర్‌ వారెంట్‌ ఆఫీసర్‌ ఎ. ప్రదీప్‌, వింగ్‌ కమాండర్‌ పీఎస్‌ చౌహాన్‌, జూనియర్‌ వారెంట్‌ ఆఫీసర్‌ రాణాప్రతాద్‌ దాస్‌, స్క్వాడ్రన్‌ లీడర్‌ కుల్‌దీప్‌ సింగ్‌, లాన్స్‌ నాయక్‌ వివేక్‌ కుమార్‌ మృతదేహాలను గుర్తించిన సైన్యం.. వారి మృతదేహాలను ఉదయం కుటుంబసభ్యులకు అప్పగించినట్లు వెల్లడించింది.