బామ్మ ఈత.. బంగారు విజేత

జాతీయ ఈత పోటీల్లో 82 ఏళ్ల వృద్ధురాలు బంగారు పతకం సాధించారు. వందల మంది పోటీదారులతో హోరాహోరీగా తలపడి మొదటి స్థానంలో నిలిచారు. హరియాణాలోని అంబాలా జిల్లాలో శనివారం జరిగిన జాతీయ ఈత పోటీల్లో బామ్మ ఈ ఘనత సాధించారు. జిల్లాలోని హీరోస్‌ మెమోరియల్‌ వద్ద మూడు రోజుల పాటు జాతీయ ఈత పోటీలు అట్టహాసంగా సాగాయి. దేశ వ్యాప్తంగా 750 మంది అథ్లెట్‌లు పోటీల్లో పాల్గొన్నారు. బిహార్‌కు చెందిన లాల్‌ పారి రాయ్‌ అనే 82 ఏళ్ల వృద్ధురాలు మహిళల సీనియర్‌ సిటిజన్‌ విభాగం(100 మీటర్ల పోటీ)లో బంగారు పతకం కైవసం చేసుకున్నారు. కాగా.. బామ్మకు 30 ఏళ్లకు పైగా ఈతలో ప్రావీణ్యం ఉంది. నీటిలో మునిగిపోతున్న ఎంతో మందిని కాపాడారు.