Vehicle Insurance: ఇన్సూరెన్స్‌ లేని వాహనం ఢీకొన్నా నష్టపరిహారం

6 నెలల్లో చట్టబద్ధత: కేంద్రం

దిల్లీ: బీమా లేని వాహనాలు ఢీకొన్న ప్రమాదాల్లో బాధితులకు నష్టపరిహారం చెల్లించే విషయమై చట్టబద్ధమైన నిబంధనలను ఆరు నెలల్లోపు అమలు చేయాలని కేంద్రప్రభుత్వాన్ని దిల్లీ హైకోర్టు ఆదేశించింది. ఇన్సూరెన్స్‌ లేని ట్రాక్టరు ఢీకొట్టడం వల్ల చనిపోయిన వ్యక్తి కుటుంబసభ్యులు నష్టపరిహారం కోసం వేసిన పిటిషన్‌ విచారణకు రాగా.. హిట్‌ అండ్‌ రన్‌, బీమా లేని వాహనాల వల్ల జరిగిన ప్రమాదాల్లో బాధితులకు నష్టపరిహారం చెల్లించడానికి అనుగుణంగా ఇప్పటికే మోటారు వాహన చట్టానికి సవరణలు చేశామని కేంద్రం న్యాయస్థానానికి తెలిపింది. అయితే మార్గదర్శకాలను రూపొందించి, దేశమంతా వాటిని అమలు చేయడానికి తమకు ఆరు నెలల సమయం కావాలని విజ్ఞప్తి చేసింది.