కారు పార్కింగ్‌ చేస్తుండగా 8 ఏళ్ల చిన్నారి మృతి

తమిళనాడులో ఘోర ప్రమాదం జరిగింది. ఓ కారు ఢీకొట్టగా 8 ఏళ్ల చిన్నారి అక్కడికక్కడే మృతి చెందాడు. ఈ ఘటన కోయంబత్తూరు జిల్లాలోని వన్నారపేటలో ఈ నెల 18న జరిగింది. సయ్యద్‌ మహ్మద్‌ ఇటీవలే కొత్త కారు కొని తన ఇంటి వద్ద దాన్ని పార్కింగ్‌ చేస్తున్నాడు. అప్పుడే రైఫుద్దీన్‌ బషీద్‌ అనే బాలుడు అటుగా సైకిల్‌పై వెళ్తున్నాడు. దీంతో కారు యజమాని.. బ్రేక్‌కు బదులుగా యాక్సిలరేటర్‌ను తొక్కాడు. దీంతో ఆ చిన్నారి.. కారు, ఎదురుగా ఉన్న గోడ మధ్యలో ఇరుక్కుపోయాడు. వెంటనే అక్కడికి చేరుకున్న స్థానికులు చిన్నారిని ఆసుపత్రికి తరలించగా అప్పటికే మృతిచెందినట్లు వైద్యులు ప్రకటించారు.  కేసు నమోదు చేసుకున్న పోలీసులు కారు యజమాని సయ్యద్‌ మహ్మద్‌ను అదుపులోకి తీసుకున్నారు.