బతికుండగానే 5వ వర్ధంతి కార్యక్రమం

ఎవరైనా చనిపోయి సంవత్సరం అయ్యాక వర్ధంతి కార్యక్రమాలు జరుపుతుంటారు కుటుంబ సభ్యులు. పంజాబ్‌కు చెందిన ఓ వృద్ధుడు మాత్రం బతికుండగానే తన 5వ వర్ధంతిని జరుపుకొన్నాడు. అతడికి కుటుంబ సభ్యులు అండగా నిలబడ్డారు. ఫతేగఢ్‌ సాహిబ్‌ జిల్లా మజ్రి సోధియా గ్రామానికి చెందిన భజన్‌ సింగ్‌ వృత్తిరీత్యా ఓ మిల్లులో పనిచేస్తున్నాడు. ఈ కలియుగంలో సమాజాన్ని అప్రమత్తం చేయడమే తన లక్ష్యమని అతను చెప్పాడు. అందుకే బతికుండగానే ఐదేళ్ల నుంచి వర్ధంతిచేసుకుంటున్నానని తెలిపాడు. ఇందులో భాగంగా ఐదుగురు పేదలకు దుప్పట్లు పంపిణీ చేశాడు భజన్‌ సింగ్‌. అలాగే 11 మంది బాలికలకు భోజనాలు పెట్టాడు.