జైల్లో నుంచి పరీక్ష రాసి గోల్డ్‌ మెడల్‌

గువాహటి: పేలుళ్ల కేసులో నిందితుడిగా ఉన్న ఓ మాజీ విద్యార్థి నాయకుడు ఎం.ఏలో అగ్రస్థానంలో నిలిచి గవర్నరు నుంచి గోల్డ్‌ మెడల్‌ అందుకున్నాడు. అతడు జైల్లో ఉంటూనే పరీక్ష రాసి ఈ ఘనత సాధించడం విశేషం. 2019లో అస్సాంలోని గువాహటిలో జరిగిన పేలుళ్లకు సంబంధించిన కేసులో సంజీబ్‌ తాలుక్‌దార్‌ అనే వ్యక్తి నిందితుడిగా ఉన్నాడు. గువాహటి జైల్లో విచారణ ఖైదీగా ఉన్న అతడు ఓపెన్‌ యూనివర్సిటీ ద్వారా ఎం.ఏ సోషియాలజీ కోర్సు చేశాడు. ఇటీవల రాసిన పరీక్షల్లో 71 శాతం మార్కులతో తొలి స్థానంలో నిలిచాడు. గవర్నరు జగదీశ్‌ ముఖి అతడికి గురువారం గోల్డ్‌ మెడల్‌ బహూకరించారు.