విదేశీ దా‘రుణ’ యాప్‌లపై కొరడా

దిల్లీ: దేశంలో అడ్డగోలుగా పుట్టుకొస్తూ ప్రజలను ఆకర్షించి ఆ తర్వాత వారి మానసిక వేదనకు కారణమవుతున్న రుణ, బెట్టింగ్‌ యాప్‌లపై కేంద్రం కొరడా ఝళిపించింది. చిన్న మొత్తంలో రుణాలు పొందిన సామాన్యుల్ని ఘోరంగా దోపిడీకి, వేధింపులకు గురిచేసి అనేకమంది ఆత్మహత్యలకు దారితీస్తోన్న ఈ దారుణ యాప్‌ల వ్యవహారంపై కేంద్రం కఠిన నిర్ణయం తీసుకుంది. విదేశాలకు చెందిన రుణ, బెట్టింగ్‌, జూదం వంటి వాటికి సంబంధించి దాదాపు 232 యాప్‌లను నిషేధించింది. హోంశాఖ ఆదేశాలతో ఎలక్ట్రానిక్స్‌, ఐటీ శాఖ ఈ మేరకు ఆదేశాలు జారీ చేసింది. ఇందులో చైనాకు సంబంధించిన యాప్‌లూ ఉన్నాయి. నిషేధించిన వాటి వివరాలను అధికారికంగా ఇంకా వెల్లడించలేదు.