Marriage: వరుడికి 65.. వధువుకు 23

65 ఏళ్ల వ్యక్తి.. 23 ఏళ్ల యువతిని రెండో వివాహం చేసుకున్నాడు. అంతే కాకుండా పెళ్లి ఊరేగింపులో తన ఆరుగురు కుమార్తెలతో కలిసి డీజే పాటలకు హుషారుగా నృత్యం కూడా చేశాడు. ఉత్తర్‌ప్రదేశ్‌లోని బారాబంకీ జిల్లాలో జరిగిందీ వివాహం. జిల్లాలోని హుసైనాబాద్‌ పూరే చౌధరి గ్రామానికి చెందిన నఖేద్‌ యాదవ్‌కు కొన్నేళ్ల క్రితం వివాహం జరిగింది. ఆరుగురు కుమార్తెలు జన్మించారు. ఆ తర్వాత అతడి భార్య చనిపోయింది. అప్పట్నుంచి ఆయన ఒంటరి జీవితం గడుపుతున్నాడు. దీన్నుంచి బయటపడేందుకు.. కుటుంబసభ్యుల అంగీకారంతో రుదౌలీ ప్రాంతంలో 23 ఏళ్ల యువతిని రెండో పెళ్లి చేసుకున్నాడు. పెళ్లి తర్వాత బరాత్‌ కూడా ఘనంగా నిర్వహించారు. ఆ సమయంలో నఖేద్‌, అతని ఆరుగురు కుమార్తెలు, బంధువులు హుషారుగా నృత్యాలు చేశారు. ప్రస్తుతం ఈ వీడియో.. సోషల్‌ మీడియాలో వైరల్‌గా మారింది.