165 కిలోల బరువును పళ్లతో ఎత్తిన జవాన్‌

బిహార్‌ రాష్ట్రంలోని కైమూర్‌ జిల్లా రామ్‌గఢ్‌కు చెందిన ధర్మేంద్ర కుమార్‌ త్రిపుర రైఫిల్స్‌లో జవానుగా విధులు నిర్వహిస్తున్నారు. ఈయన 165 కిలోల బరువును పళ్లతో ఎత్తి రికార్డు సృష్టించారు. సుమారు 10 సెకన్లపాటు ఆ బరువును గాలిలోకి ఎత్తారు. ధర్మేంద్ర ఇప్పటివరకు గిన్నిస్‌ బుక్‌ సహా 9 ప్రపంచ రికార్డుల్లో స్థానం సంపాదించారు. ‘హ్యామర్‌ హెడ్‌ మ్యాన్‌ ఆఫ్‌ ఇండియా’గా పేరుపొందారు. ఇటీవలే బైక్‌ను భుజాలపై ఎత్తుకొని 100 మీటర్ల దూరం పరిగెత్తారు. అంతకుముందు తలతో కొబ్బరికాయలు పగలగొట్టడం, పళ్లతో ఇనుమును వంచడం లాంటి విన్యాసాలు చేశారు.