నా తండ్రి రాత్రి ఇంటికొస్తే భయమేసేది: దిల్లీ మహిళా కమిషన్ ఛైర్‌పర్సన్ స్వాతి మాలివాల్

దిల్లీ: కన్నతండ్రి లైంగిక వేధింపులకు గురిచేశాడని ప్రముఖ నటి, జాతీయ మహిళా కమిషన్‌ సభ్యురాలు ఖుష్బూ ఇటీవల ప్రకటిస్తే.. తాజాగా దిల్లీ మహిళా కమిషన్‌ (డీసీడబ్ల్యూ) ఛైర్‌పర్సన్‌ స్వాతి మాలివాల్‌ కూడా తానూ ఆ తరహా వేధింపులకు గురైన బాధితురాలినేనని పేర్కొన్నారు. తండ్రి లైంగిక వేధింపులు భరించలేక, మంచం కింద దాక్కొన్న సందర్భాలు ఉన్నాయని చెప్పారు. నాలుగో తరగతి వరకు తనపై వేధింపులు కొనసాగాయని తెలిపారు. శనివారం అంతర్జాతీయ మహిళా దినోత్సవ అవార్డుల ప్రదాన కార్యక్రమంలో ఆమె ఈ విషయాన్ని వెల్లడించారు. ‘‘నా 4వ తరగతి వరకు మేం ఆయనతో కలిసి ఉన్నాం. నన్ను ఆయన అకారణంగా కొట్టేవారు. కొన్నిసార్లు రక్తం వచ్చేది. ఆయన ఇంట్లోకి వస్తే.. భయమేసేది. ఎన్నోసార్లు మంచం కింద దాక్కున్నా’’ అని స్వాతి మాలివాల్‌ చెప్పారు.