Indian Railway: భారత్‌లోని ఆ ట్రాక్‌ ఇప్పటికీ బ్రిటిషర్లదే.. అద్దె కడుతున్న రైల్వేశాఖ

ప్రపంచంలోనే అతి పెద్ద రైల్వే వ్యవస్థల్లో ఒకటైన ఇండియన్‌ రైల్వేస్‌కు.. తాను అద్దె కట్టే ఓ రైల్వే లైన్‌ ఉంది. ఈ లైన్‌పై రైలును నడిపినందుకు ఇప్పటికీ బ్రిటిషర్లకు రూ.కోటి కడుతోంది భారతీయ రైల్వే. మహారాష్ట్రలోని యావత్మాల్‌-ముర్తిజాపుర్‌ మధ్య ఉన్న రైల్వే లైన్‌ను బ్రిటిష్‌ పాలకులు నిర్మించారు. వారు దేశం విడిచి వెళ్లినా ఆ లైన్‌ ఇంకా వారి ఆధీనంలోనే ఉంది. 1952లో రైల్వేల జాతీయీకరణ సమయంలో ఈ లైన్‌ను మరిచిపోయారు అధికారులు. ఫలితంగా ఆనాటి నుంచీ బ్రిటిషర్లకు రూ.కోటి కడుతోంది భారతీయ రైల్వే.

ప్రస్తుతం ఈ రైల్వే లైన్‌ అమరావతి జిల్లాలోని నిరుపేద ప్రజలకు ఎంతో ఉపయోగకరంగా ఉంది. 20 గంటలపాటు సాగే ఈ ప్రయాణానికి రూ.150 టికెట్‌ ధరగా పెట్టింది రైల్వే. సిగ్నలింగ్‌, టికెట్ల విక్రయం, క్యారేజీల నుంచి ఇంజిన్‌ వేరు చేసేందుకు ఈ లైన్‌లో ప్రస్తుతం ఏడుగురు సిబ్బంది పని చేస్తున్నారు. నారో గేజ్‌గా ఉన్న యావత్మాల్‌- ముర్తిజాపుర్‌ రైల్వే మార్గాన్ని బ్రాడ్‌ గేజ్‌గా మార్చేందుకు ప్రభుత్వం ముందుకొచ్చింది. ఇందుకోసం అప్పటి రైల్వే మంత్రి సురేశ్‌ ప్రభు రూ.1,500 కోట్లను కేటాయించారు.