సంక్షిప్త వార్తలు (11)
కొవిడ్ సమయంలో జైళ్ల నుంచి విడుదలైన దోషులు, విచారణ ఖైదీలు 15 రోజుల్లోగా లొంగిపోవాలని సుప్రీం ఆదేశించింది.
ఆ ఖైదీలు 15 రోజుల్లోగా లొంగిపొవాలి: సుప్రీం
దిల్లీ: కొవిడ్ సమయంలో జైళ్ల నుంచి విడుదలైన దోషులు, విచారణ ఖైదీలు 15 రోజుల్లోగా లొంగిపోవాలని సుప్రీం ఆదేశించింది. కొవిడ్ సమయంలో అత్యవసర బెయిల్పై విడుదలైన వారు- లొంగిపోయిన తర్వాత రెగ్యులర్ బెయిల్ కోసం కోర్టులను ఆశ్రయించవచ్చునని పేర్కొంది.
సిసోదియా బెయిల్పై తీర్పు రిజర్వ్
దిల్లీ: మద్యం కేసులో అరెస్టయి.. ప్రస్తుతం కస్టడీలో ఉన్న దిల్లీ మాజీ ఉపముఖ్యమంత్రి మనీశ్ సిసోదియా దాఖలుచేసిన బెయిల్ పిటిషన్పై తీర్పును శుక్రవారం సీబీఐ ప్రత్యేక కోర్టు రిజర్వులో ఉంచింది. సిసోదియా చేసిన రెగ్యులర్ బెయిల్ అభ్యర్థనను సీబీఐ వ్యతిరేకిస్తోంది. ఈ మేరకు ప్రత్యేక కోర్టు న్యాయమూర్తి ఎం.కె.నాగ్పాల్కు నోట్ను కూడా అందజేసింది. బెయిల్ పిటిషన్పై ఈ నెల 21వ తేదీన కూడా విచారణ జరిగింది.
ఎంపీలకు రాష్ట్రపతి అల్పాహార విందు
ఈనాడు, దిల్లీ:రాష్ట్రపతి ద్రౌపదీ ముర్ము వివిధ రాష్ట్రల ఎంపీలకు అల్పాహార విందు ఇచ్చారు. రాష్ట్రపతి భవన్లోని కల్చరల్ సెంటర్లో శుక్రవారం ఏర్పాటు చేసిన విందుకు తెలంగాణ, తమిళనాడు, గోవా, ఒడిశా, దిల్లీ, పుదుచ్చేరి, లక్షద్వీప్, అండమాన్ నికోబార్ దీవులు, దాద్రానగర్ హవేలి, దమన్ దీవూ ఎంపీలను ఆహ్వానించారు. విందులో తెలంగాణ నుంచి భారాస పార్లమెంటరీ పార్టీ నేత కేశవరావు, లోక్సభ పక్ష నేత నామా నాగేశ్వరరావు, ఎంపీలు బడుగుల లింగయ్య యాదవ్, రాములు, బీబీ పాటిల్, మన్నె శ్రీనివాస్రెడ్డి, వద్దిరాజు రవిచంద్ర, బండి పార్థసారథిరెడ్డి, కాంగ్రెస్ ఎంపీలు ఉత్తమ్కుమార్రెడ్డి, కోమటిరెడ్డి వెంకటరెడ్డి పాల్గొన్నారు.
వందే భారత్ రైళ్ల తయారీకి రష్యా కంపెనీల టెండర్లు
ఈనాడు, దిల్లీ: భారత దేశ ప్రమాణాలకు తగినట్లు 200 వందేభారత్ రైళ్ల తయారీకి రష్యాకు చెందిన కంపెనీలు టెండర్లు వేశాయని రైల్వేశాఖ మంత్రి అశ్వినీవైష్ణవ్ తెలిపారు. జాయింట్ స్టాక్ కంపెనీ లోకోమోటివ్ ఎలక్ట్రానిక్స్ సిస్టమ్, రైల్ వికాస్ నిగమ్ లిమిటెడ్తో కలిపి రష్యాకు చెందిన జేఎస్సీ మెట్రో వాగన్మష్, మితీష్చి కంపెనీలు టెండర్లలో పాల్గొన్నాయని ఆయన పేర్కొన్నారు. వైకాపా రాజ్యసభ సభ్యుడు వేమిరెడ్డి ప్రభాకర్రెడ్డి అడిగిన ప్రశ్నకు కేంద్రమంత్రి రాజ్యసభలో శుక్రవారం లిఖితపూర్వక సమాధానమిచ్చారు. గతేడాది నవంబరు 30న ఆ టెండర్లు తెరిచామని, ప్రస్తుతం అవి పరిశీలనలో ఉన్నాయని మంత్రి వెల్లడించారు.
ఎస్సీ వర్గీకరణకు కర్ణాటక మంత్రివర్గం ఆమోదం
ఈనాడు, బెంగళూరు : ఎస్సీ వర్గీకరణకు ఆమోదం తెలుపుతూ కర్ణాటక మంత్రివర్గం శుక్రవారం తీర్మానం చేసింది. ముఖ్యమంత్రి బసవరాజ బొమ్మై మాట్లాడుతూ.. ఎస్సీ వర్గీకరణ ద్వారా జనసంఖ్య అనుగుణంగా రిజర్వేషన్ సదుపాయం కల్పిస్తామన్నారు. ఈ సమావేశంలోనే ముస్లింలకు ప్రస్తుతం ఓబీసీ కోటాలోని 4శాతం రిజర్వేషన్ను రద్దు చేసి, ఆర్థిక వెనుకబడిన వర్గాల (ఈడబ్ల్యూఎస్) కోటా ద్వారా రిజర్వేషన్ సదుపాయం కల్పిస్తామన్నారు. 3ఏ- కేటగిరీలో ఉన్న ఒక్కలిగరలను ‘2సీ’ లోనికి చేర్చి 6 శాతం, ‘3బీ’ లోని వీరశైవ లింగాయత్లను ‘2డీ’ లోనికి చేర్చి 7 శాతం రిజర్వేషన్ను అమలయ్యేలా చేస్తామన్నారు. గతంలో ఈ రెండు సముదాయాలకు వరుసగా 4 శాతం, 5 శాతం రిజర్వేషన్ ఉంది. ఇటీవల పెంచిన ఎస్సీ, ఎస్టీల రిజర్వేషన్నూ తొమ్మిదో షెడ్యూల్లో చేర్చి పార్లమెంట్లో చర్చకు అవకాశం కల్పించాలని ఈ సందర్భంగా కేంద్ర హోంశాఖకు సభ ప్రతిపాదన పంపింది.
బిల్కిస్ కేసు విచారణకు కొత్త ధర్మాసనం
దిల్లీ: గుజరాత్ అల్లర్లలో బిల్కిస్ బానోపై జరిగిన సామూహిక అత్యాచారం, ఏడుగురు కుటుంబసభ్యుల హత్య కేసులో 11 మంది దోషుల శిక్షను తగ్గించి విడుదల చేయడాన్ని సవాలు చేస్తూ దాఖలైన అప్పీళ్లపై విచారణకు సుప్రీంకోర్టు కొత్త ధర్మాసనాన్ని ఏర్పాటు చేసింది. జస్టిస్ కె.ఎం.జోసెఫ్, జస్టిస్ బి.వి.నాగరత్నలతో కూడిన ధర్మాసనం మార్చి 27న విచారణ చేపడుతుంది.
గోధ్రా అప్పీళ్లపై ఏప్రిల్ 10న..
2002 నాటి గోధ్రా రైలు దహనం కేసులో జీవితఖైదు అనుభవిస్తున్న పలువురు దోషుల బెయిల్ పిటిషన్లను ఏప్రిల్ 10న పరిష్కరిస్తామని సుప్రీంకోర్టు శుక్రవారం తెలిపింది. ఈ కేసులో గుజరాత్ ప్రభుత్వం తరఫున కోర్టులో సొలిసిటర్ జనరల్ తుషార్ మెహతా వినిపించిన వాదనలను ప్రధాన న్యాయమూర్తి జస్టిస్ డి.వై.చంద్రచూడ్ సారథ్యంలోని ధర్మాసనం నమోదు చేసుకొంది.
రాహుల్ అధికార బంగళా ఖాళీ చేయాల్సిందేనా!
దిల్లీ: పార్లమెంటు సభ్యత్వానికి అనర్హుడిగా ప్రకటితమైన రాహుల్ గాంధీకి క్రిమినల్ పరువు నష్టం కేసులో ఉన్నత న్యాయస్థానం నుంచి ఊరట లభించకపోతే.. ఆయన దిల్లీలో అధికార నివాసాన్ని ఖాళీ చేయాల్సి వస్తుంది. 2004లో లోక్సభకు ఎన్నికైనప్పటి నుంచి రాహుల్కు తుగ్లక్ లైనులోని 12వ నంబరు బంగళాను కేటాయించారు. రాహుల్కు ఊరట లభిస్తే తప్ప మార్చి 23 నుంచి నెలరోజుల్లోపు తన అధికార బంగళాను ఆయన ఖాళీచేయక తప్పదు. కాంగ్రెస్ ప్రధాన కార్యదర్శి ప్రియాంకా గాంధీ భద్రతా బందోబస్తును తగ్గించినందున ఆమె కూడా 2020 జూలైలో తన అధికార బంగళాను ఖాళీచేశారు.
బీజీ-2 పత్తి విత్తనాల ధర రూ.43 పెంపు
ఈనాడు, దిల్లీ: కేంద్ర వ్యవసాయశాఖ 2023-24 ఆర్థిక సంవత్సరానికి బీటీ పత్తి విత్తనాల ధరలను నిర్ణయిస్తూ శుక్రవారం నోటిఫికేషన్ జారీ చేసింది. 475 గ్రాముల బీజీ-1 పత్తి విత్తనాల గరిష్ఠ చిల్లరధరను రూ.635, బీజీ-2 విత్తనాల గరిష్ఠ ధరను రూ.853గా నిర్ణయించింది. ఇందులో బీజీ-1 ధర గత ఏడాదిలాగే ఉండగా, బీజీ-2 ధర రూ.810 నుంచి రూ.853కు పెంచింది. నిత్యావసర వస్తువుల చట్టం 1955లోని సెక్షన్ 3, కాటన్ సీడ్ కంట్రోల్ ఆర్డర్ 2015 క్లాజ్ 5(1)లోని అధికారాలను అనుసరించి కేంద్ర ప్రభుత్వం ఈ విత్తనాల ధరను నిర్ణయించినట్లు వ్యవసాయశాఖ పేర్కొంది. ఈ ధరలు దేశవ్యాప్తంగా 2023-24 సంవత్సరానికి వర్తిస్తాయని తెలిపింది.
ఆరు నెలల్లో జీపీఎస్ ఆధారిత టోల్ వసూలు
టోల్ప్లాజాల స్థానంలో కొత్త సాంకేతికత
దిల్లీ: దేశవ్యాప్తంగా ప్రస్తుతమున్న టోల్ప్లాజాలు ఇకముందు కనిపించవు. టోల్ రుసుం వసూలుకు వాటి స్థానంలో ఆధునిక సాంకేతిక పరిజ్ఞానంతో కూడిన జీపీఎస్ ఆధారిత విధానం అందుబాటులోకి రానుంది. ఆరు నెలల్లో ఈ కొత్త విధానాన్ని అమలులోకి తీసుకురానున్నట్లు కేంద్ర రోడ్డు రవాణా, జాతీయ రహదారుల మంత్రిత్వ శాఖ మంత్రి నితిన్ గడ్కరీ పేర్కొన్నారు. జాతీయ రహదారులపై ప్రయాణించే వాహనాల కచ్చిత దూరాన్ని లెక్కగట్టి అందుకు అనుగుణంగా రుసుమును వసూలు చేస్తూ ట్రాఫిక్ను నియంత్రించడానికి ఈ విధానాన్ని ప్రవేశపెట్టనున్నట్లు వివరించారు. శుక్రవారం దిల్లీలో సీఐఐ నిర్వహించిన ఓ కార్యక్రమంలో కేంద్ర మంత్రి ఈ విషయాన్ని వెల్లడించారు.
లండన్లో భారత హైకమిషన్పై దాడి.. కేసు నమోదుచేసిన దిల్లీ పోలీసులు
దిల్లీ: లండన్లోని భారత హైకమిషన్ కార్యాలయం వద్ద ఈ నెల 19న ఖలిస్థానీవాదుల దుశ్చర్యపై దిల్లీ పోలీసులు కేసు నమోదు చేసినట్లు అధికార వర్గాలు శుక్రవారం తెలిపాయి. భారత శిక్షాస్మృతి(ఐపీసీ) చట్టవిరుద్ధ కార్యకలాపాల నిరోధ చట్టం, ప్రభుత్వ ఆస్తులపై దాడుల నివారణ చట్టం కింద ఈ కేసు నమోదు చేశారు. విదేశాల్లోని భారత జాతీయులు చట్టవిరుద్ధ కార్యకలాపాలకు పాల్పడినప్పుడు ఈ చట్టాలను ప్రయోగిస్తారు. లండన్ ఘటనపై విదేశాంగ శాఖ నివేదికను పురస్కరించుకుని హోంశాఖ దిల్లీ పోలీసులను కేసు నమోదు చేయాల్సిందిగా ఆదేశించింది. కేంద్ర ప్రభుత్వం ఇప్పటికే దిల్లీలోని బ్రిటిష్ ఉప హైకమిషనర్ను పిలిచి లండన్లోని భారత హైకమిషన్ వద్ధ భద్రత లోపించడంపై సంజాయిషీ అడిగింది. బ్రిటిష్ ప్రభుత్వ నిర్లక్ష వైఖరి ఆమోదయోగ్యం కాదని తెలిపింది. భారత హైకమిషన్ భద్రతకు తాము అత్యంత ప్రాధాన్యమిస్తామని బ్రిటిష్ ప్రభుత్వం వివరించింది. ఈ ఘటనపై లండన్ పోలీసులు దర్యాప్తు జరుపుతున్నారు.
అరుణాచల్, నాగాలాండ్లో ‘అఫ్సా’ పొడిగింపు
దిల్లీ: అరుణాచల్ ప్రదేశ్, నాగాలాండ్లోని కొన్ని ప్రాంతాల్లో సాయుధ బలగాల ప్రత్యేక అధికారాల చట్టా (ఆఫ్సా)న్ని ఆరు నెలల పాటు పొడిగిస్తున్నట్లు కేంద్ర హోంశాఖ శుక్రవారం ప్రకటించింది. ఆ రెండు రాష్ట్రాల్లో శాంతి భద్రతల పరిస్థితిని సమీక్షించి, ఈ మేరకు నిర్ణయం తీసుకున్నట్లు తెలిపింది. కల్లోలిత ప్రాంతాల్లో విధులు నిర్వర్తించే సైనిక బలగాలకు విస్తృత అధికారాలు కల్పించడం దీని ఉద్దేశం. ఆయా చోట్ల అవసరమనుకుంటే భద్రతాధికారులు సోదాలు, అరెస్టులు నిర్వహించడానికి, కాల్పులు జరపడానికి అధికారాలు లభిస్తాయి.
ఎఫ్సీఆర్ఏ రిజిస్ట్రేషన్ల పొడిగింపు
విదేశీ విరాళాల నియంత్రణ చట్టం (ఎఫ్సీఆర్ఏ) కింద స్వచ్ఛంద సంస్థల రిజిస్ట్రేషన్ను కేంద్రం సెప్టెంబరు 30 వరకూ పొడిగించింది. అలాగే రెన్యువల్ కోసం దాఖలు చేసిన దరఖాస్తులు పెండింగ్లో ఉన్న సంస్థల లైసెన్సులనూ పొడిగిస్తున్నట్లు ప్రకటించింది. విదేశాల నుంచి విరాళాలు అందుకునే సంస్థలు ఎఫ్సీఆర్ఏ కింద తప్పనిసరిగా నమోదై ఉండాలి.
Trending
గమనిక: ఈనాడు.నెట్లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు, సంస్థల నుంచి వస్తాయి. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సుతో పంపబడతాయి. పాఠకులు తగిన జాగ్రత్త వహించి, ఉత్పత్తులు లేదా సేవల గురించి సముచిత విచారణ చేసి కొనుగోలు చేయాలి. ఆయా ఉత్పత్తులు / సేవల నాణ్యత లేదా లోపాలకు ఈనాడు యాజమాన్యం బాధ్యత వహించదు. ఈ విషయంలో ఉత్తర ప్రత్యుత్తరాలకి తావు లేదు.
మరిన్ని
-
అమెరికా నివేదికకు విలువ లేదు.. ‘మానవ హక్కుల ఉల్లంఘన’ అంశంపై భారత్ సీరియస్
India-US: భారత్లో మానవ హక్కుల ఉల్లంఘన జరిగిందంటూ అమెరికా ఇచ్చిన నివేదికపై భారత్ తీవ్ర అభ్యంతరం వ్యక్తంచేసింది. అది పూర్తి పక్షపాతంగా ఇచ్చారని దుయ్యబట్టింది. -
మోదీజీ.. ఆ చప్పట్లకు మోసపోకండి: ప్రధానికి ఖర్గే లేఖ
సార్వత్రిక ఎన్నికల ప్రచారంలో భాగంగా కాంగ్రెస్పై ప్రధాని మోదీ (Modi) తీవ్ర విమర్శలు చేశారు. దీనిపై తాజాగా మల్లికార్జున ఖర్గే (Mallikarjun Kharge) లేఖ రాశారు. -
‘రాంచీలో ఉన్నా.. రూ.600 కావాలి’.. ధోనీ పేరుతో మెసేజ్ వైరల్
క్రికెట్ అభిమానులు జాగ్రత్తగా ఉండండి..! చెన్నై ఆటగాడు ధోనీ (MS Dhoni) పేరుతో ఓ ఇన్స్టా మెసేజ్ నెట్టింట చక్కర్లు కొడుతోంది. -
హోటల్లో భారీ అగ్ని ప్రమాదం.. ఆరుగురి సజీవ దహనం
పట్నాలోని ఓ హోటల్లో జరిగిన అగ్ని ప్రమాదంలో ఆరుగురు మరణించారు. మరికొంతమంది తీవ్రంగా గాయపడ్డారు. -
విద్యార్థుల చిరునవ్వుల కోసం ఓ టీచర్ ఫన్నీ యాక్ట్.. వీడియో వైరల్
Students smile: విద్యార్థులంటే పుస్తకాలు ముందేసుకొని, టీచర్లు చెప్పే పాఠాలు వినడమే గుర్తుకువస్తుంది. కానీ ఆన్లైన్లో వైరల్గా మారిన ఓ వీడియో మాత్రం అందుకు భిన్నంగా ఆకట్టుకుంటోంది. -
కొండచరియల బీభత్సం.. చైనా సరిహద్దుల్లోని జిల్లాకు దేశంతో సంబంధాలు కట్
Arunachal Pradesh: హైవేపై కొండచరియలు విరిగిపడటంతో చైనా సరిహద్దుల్లోని ఓ జిల్లాకు మిగిలిన ప్రాంతాలతో సంబంధాలు తెగిపోయాయి. -
కేంద్రమంత్రి ఆడియో క్లిప్ లీక్ చేయమన్నారు: రాజస్థాన్ మాజీ సీఎం గహ్లోత్పై ఆరోపణలు
ఫోన్ ట్యాపింగ్ కేసులో ఆరోపణలు ఎదుర్కొంటున్న మాజీ అధికారి ఒకరు రాజస్థాన్ మాజీ సీఎం అశోక్ గహ్లోత్ (Ashok Gehlot)పై తీవ్ర ఆరోపణలు చేశారు. -
ఐపీఎల్ స్ట్రీమింగ్ కేసు.. నటి తమన్నాకు సమన్లు
Tamannaah: నిబంధనలకు వ్యతిరేకంగా ఐపీఎల్ను ప్రసారం చేసిన కేసులో నటి తమన్నాకు మహారాష్ట్ర సైబర్ పోలీసులు సమన్లు జారీ చేశారు. -
ప్రైవేటు ఆస్తి.. సమాజ వనరు కాదని అనలేం: సుప్రీంకోర్టు వ్యాఖ్య
ప్రైవేటు ఆస్తిని సమాజ వనరుగా పరిగణించజాలరని, దాన్ని ఉమ్మడి ప్రయోజనం కోసం స్వాధీనం చేసుకోకూడదన్న వాదన ‘ప్రమాదకరమ’వుతుందని సుప్రీంకోర్టు బుధవారం పేర్కొంది. -
విపత్తులను ఎదుర్కొనే మౌలిక సదుపాయాల్లో పెట్టుబడులు పెట్టాలి: ప్రధాని
ప్రకృతి వైపరీత్యాలు రానురాను మరింత పెరుగుతూ తీవ్రత కూడా ఎక్కువగా ఉంటోందని, ప్రజాజీవితంపై వాటి ప్రభావం ఎన్నో రెట్లు పెరుగుతోందని ప్రధానమంత్రి నరేంద్ర మోదీ ఆందోళన వ్యక్తం చేశారు. -
హైకోర్టు తీర్పివ్వడంలేదంటూ సుప్రీంకోర్టుకు హేమంత్ సోరెన్
తన అరెస్టును వ్యతిరేకిస్తూ దాఖలు చేసిన పిటిషన్పై హైకోర్టు తీర్పివ్వడంలేదంటూ ఝార్ఖండ్ మాజీ ముఖ్యమంత్రి హేమంత్ సోరెన్ బుధవారం సుప్రీంకోర్టును ఆశ్రయించారు. -
ప్రజల కలలకు రెక్కలు తొడుగుతాం
గ్రామీణ భారతదేశ రూపురేఖలను మార్చి ప్రజలకు మెరుగైన జీవితాన్ని అందించడానికి క్షేత్రస్థాయిలో విశేష కృషి చేస్తున్న ప్రతి ఒక్కరికీ పంచాయతీ రాజ్ దినోత్సవ శుభాకాంక్షలు. -
ఎన్నికల బాండ్ల పథకం భారీ కుంభకోణమే
రాజకీయ పార్టీలకు అపారదర్శకంగా నిధులు అందించిన ఎన్నికల బాండ్ల పథకాన్ని సర్వోన్నత న్యాయస్థానం రద్దు చేసినప్పటికీ ఆ వ్యవహారం అంతటితో సద్దుమణగలేదు. -
ఈవీఎం, వీవీప్యాట్ విడి పరికరాల తయారీదారుల వివరాలను మేం బహిర్గతపరచలేం..
ఈవీఎం, వీవీప్యాట్ యంత్రాల విడి పరికరాల తయారీదారుల వివరాలను బహిర్గతపరచలేమని ఎలక్ట్రానిక్స్ కార్పొరేషన్ ఆఫ్ ఇండియా లిమిటెడ్(ఈసీఐఎల్), భారత్ ఎలక్ట్రానిక్స్ లిమిటెడ్(బీఈఎల్) స్పష్టం చేశాయి. -
రూ.25వేల కోట్ల అవకతవకల కేసు.. సునేత్రా పవార్కు క్లీన్చిట్
లోక్సభ ఎన్నికల వేళ మహారాష్ట్ర ఉప ముఖ్యమంత్రి అజిత్ పవార్ సతీమణి, బారామతి ఎన్డీయే అభ్యర్థి సునేత్ర పవార్కు భారీ ఊరట లభించింది. -
మణిపుర్లో వంతెనపై ఐఈడీ పేలుడు
మణిపుర్లోని 2వ జాతీయ రహదారిపై ఉన్న ఓ కీలక వంతెనపై ఐఈడీ పేలుడు సంభవించింది. ఘటనలో ఎటువంటి ప్రాణనష్టం జరగలేదని, వంతెన స్వల్పంగా దెబ్బతిన్నట్లు అధికారులు తెలిపారు. -
సంజయ్ రౌత్ సన్నిహితుడి ఆస్తుల జప్తు
శివసేన (ఉద్ధవ్) ఎంపీ సంజయ్ రౌత్ సన్నిహితుడు ప్రవీణ్ రౌత్కు చెందిన రూ.73 కోట్ల ఆస్తులను ఎన్ఫోర్స్మెంట్ డైరెక్టరేట్ (ఈడీ) జప్తు చేసింది. -
రామకృష్ణ మఠం నూతన అధ్యక్షుడిగా స్వామి గౌతమానంద్జీ మహారాజ్
రామకృష్ణ మఠం, రామకృష్ణ మిషన్ నూతన అధ్యక్షుడి (17వ)గా స్వామి గౌతమానంద్జీ మహారాజ్ ఎన్నికయ్యారు. ఈ మేరకు సంబంధిత వర్గాలు ఓ ప్రకటనలో వెల్లడించాయి. -
ఆకాశంలో.. అమ్మకు హ్యాపీ బర్త్డే!
ఎయిరిండియా ఎక్స్ప్రెస్ విమానంలో ఇటీవల జరిగిన ఓ హృద్యమైన ఘటన వీడియో వైరల్గా మారింది. తల్లి పుట్టినరోజును మరపురాని జ్ఞాపకంగా చేయాలనుకున్నాడు ఓ బుడతడు. -
ఎన్నికలను మేం నియంత్రించలేం
దేశంలో జరిగే ఎన్నికల ప్రక్రియను తాము నియంత్రించలేమని సుప్రీంకోర్టు వ్యాఖ్యానించింది. అలాగే ఎన్నికల సంఘం పని తీరునూ నిర్దేశించలేమని స్పష్టం చేసింది. -
25 వేల ఉపాధ్యాయుల రద్దు తీర్పుపై సుప్రీంను ఆశ్రయించిన పశ్చిమబెంగాల్
పశ్చిమబెంగాల్లో 25,753 మంది ప్రభుత్వ ఉపాధ్యాయులు, బోధనేతర సిబ్బంది నియామకాలను రద్దు చేస్తూ కలకత్తా హైకోర్టు ఇచ్చిన తీర్పును ఆ రాష్ట్ర ప్రభుత్వం సుప్రీంకోర్టులో సవాలు చేసింది.
తాజా వార్తలు (Latest News)
-
ప్రీమియర్ షోలో మెరిసిన తారలు.. అలియా అలా.. రష్మిక ఇలా..
-
కాళేశ్వరం ఆనకట్టలపై ఫిర్యాదులు, నివేదనలు కోరుతూ ప్రకటన జారీ
-
అమెరికా నివేదికకు విలువ లేదు.. ‘మానవ హక్కుల ఉల్లంఘన’ అంశంపై భారత్ సీరియస్
-
ఆన్లైన్లో తెగ కొనేస్తున్నారు.. తొలిసారి ₹1 లక్ష కోట్లు దాటిన క్రెడిట్ కార్డ్ వ్యయం
-
మోదీజీ.. ఆ చప్పట్లకు మోసపోకండి: ప్రధానికి ఖర్గే లేఖ
-
నా వ్యాఖ్యలను అపార్థం చేసుకోవడంతోనే సమస్య: అంబటి రాయుడు