Sukesh chandrasekhar: ‘నా బుట్టబొమ్మ జాక్వెలిన్‌కు’.. జైలు నుంచే సుకేశ్‌ మరో ప్రేమలేఖ

దిల్లీ: దాదాపు రూ.200 కోట్ల విలువైన ఆర్థిక నేరాల్లో నిందితుడు సుకేశ్‌ చంద్రశేఖర్‌ తన సన్నిహితురాలు, సినీ నటి జాక్వెలిన్‌ ఫెర్నాండెజ్‌కు జైలు నుంచే మరో ప్రేమలేఖ రాశాడు. ‘‘మై బేబీ జాక్వెలిన్‌.. నా పుట్టినరోజున నిన్ను చాలా మిస్‌ అవుతున్నా. నా చుట్టూ నీ ఎనర్జీ లేని లోటు కనిపిస్తోంది. కానీ, నా మీద నీకున్న ప్రేమ అనంతమని, ఎన్నటికీ తరగదని నాకు తెలుసు. నీ అందమైన హృదయంలో ఏముందో నాకు తెలుసు. దానికి రుజువులు అక్కర్లేదు. నా జీవితంలో వెలకట్టలేని అత్యంత విలువైన కానుక నువ్వు. నేను నిన్ను ఎంతగానో ప్రేమిస్తున్నా బుట్టబొమ్మ’’ అని సుకేశ్‌ ఆ లేఖలో రాసుకొచ్చాడు. ఇప్పుడు అది వైరల్‌గా మారింది. కాగా.. ఇటీవల హోలీ సందర్భంగా సుకేశ్‌.. నటికి ఇలాంటి ప్రేమ సందేశాన్నే పంపిన విషయం తెలిసిందే.