20 రూపాయలకే మినీ హోటల్‌లో గది

పశ్చిమబెంగాల్‌లోని ఓ మినీ హోటల్లో కేవలం రూ.20 చెల్లించి గదిని అద్దెకు  తీసుకోవచ్చు. దీంతో పాటుగా అక్కడ అతి తక్కువ ధరకే భోజనం కూడా లభిస్తుంది. అయితే.. ఈ హోటల్‌ నడుపుతున్నది ఓ రిక్షావాలా కావడం గమనార్హం. శిలిగుడి ప్రాంతంలో పని చేయడం కోసం రోజువారీ కూలీలు దూర ప్రాంతాల నుంచి వస్తుంటారు. ఇలా వచ్చిన వారు కొన్నిసార్లు రెండు, మూడు రోజులు అక్కడే ఉండాల్సి వచ్చేది. ఇలాంటి సమయాల్లో వారు తమకొచ్చే రోజువారీ కూలీతో సాధారణ హోటల్లో గదిని అద్దెకు తీసుకునే అవకాశం ఉండదు. వీరిని దృష్టిలో ఉంచుకుని మహేంద్ర సర్కార్‌ అనే రిక్షావాలా ఇనుప రేకుల సహాయంతో తన ఇంటినే రెండంతస్తుల భవనంగా మార్చాడు. ఇందులోని గదుల్లో.. ఓ బెడ్‌, లైట్‌, ఫ్యాన్‌, మొబైల్‌ ఛార్జింగ్‌ పాయింట్‌ వంటి సౌకర్యాలను కల్పించాడు. 24 గంటల పాటు బస చేయడానికి కేవలం రూ.20 వసూలు చేస్తున్నాడు. దీంతో పాటుగా శాకాహార భోజనం రూ.30, చేపలు రూ.50, చికెన్‌ మీల్స్‌ రూ.60కే అందిస్తున్నాడు.