విమానంలో మద్యం తాగి వాంతులు, మల విసర్జన

దిల్లీ: ఎయిరిండియాలో మూత్రవిసర్జన ఘటన మరువకముందే ఇండిగో విమానంలో మరో దుశ్చర్య చోటుచేసుకుంది. మార్చి 26న గువాహటి నుంచి దిల్లీ వెళుతున్న విమానంలో ఓ వ్యక్తి తప్పతాగి తన సీటు పక్కనే వాంతులు చేసుకున్నాడు. టాయిలెట్‌ వద్ద మలవిసర్జన కూడా చేశాడు. దీంతో విమానంలోని సిబ్బంది, తోటి ప్రయాణికులు తీవ్ర ఇబ్బంది పడ్డారు. ‘‘మీ సహనానికి జోహార్లు’’ అంటూ అదే విమానంలో ప్రయాణిస్తున్న ఓ న్యాయవాది సిబ్బంది శుభ్రం చేస్తున్న ఫొటోను ట్విటర్‌లో పోస్టు చేసి ఆవేదన వ్యక్తం చేయడంతో విషయం వెలుగుచూసింది. ఈ ట్వీట్‌ చూసిన యూజర్లు సంఘటనపై  ఆగ్రహం వ్యక్తం చేస్తున్నారు. నిందితుడిపై కఠినచర్యలు తీసుకోవాలని డిమాండ్‌ చేస్తున్నారు. విమానాల్లో పదే పదే ఇలా జరుగుతుండటం దారుణమని, ఈ సమస్యను అరికట్టాలంటే విమానాల్లో మద్యం నిషేధించాలని పలువురు అభిప్రాయపడుతున్నారు.