ఇంకా చిక్కని అమృత్‌పాల్‌

హోశియార్‌పుర్‌: ఖలిస్థాన్‌ వేర్పాటువాది అమృత్‌పాల్‌ సింగ్‌.. ఇంకా చిక్కలేదు. అతడి కోసం పోలీసుల వేట ముమ్మరంగా కొనసాగుతోంది. నేపాల్‌ గుండా దేశం దాటి వెళ్లేందుకు ప్రయత్నించిన పాల్‌.. అది విఫలమవడంతో ఇప్పుడు తిరిగి పంజాబ్‌లోని హోశియార్‌పుర్‌కు వచ్చినట్లు సమాచారం. ఇక్కడి నుంచి పాకిస్థాన్‌లోకి చొరబడాలన్నది అమృత్‌పాల్‌ ప్రణాళికగా తెలుస్తోంది. అయితే పోలీసులు ఎట్టి పరిస్థితుల్లోనూ పట్టుకోవాలని, స్థానిక గ్రామాలను జల్లెడ పడుతున్నారు. డ్రోన్లతో నిఘా కొనసాగిస్తున్నారు. అనుమానాస్పద వాహనాలను తనిఖీ చేస్తున్నారు.