పరుగులు తీసే కారుపై ఎక్కి కసరత్తులా!

వెర్రి వేయి విధాలంటే ఇదేనేమో! రోడ్లపై ప్రమాదకర విన్యాసాలు ప్రాణాల మీదకు తెస్తున్నా కొందరిలో మార్పు రావట్లేదు. ట్రాఫిక్‌ నిబంధనలు ఉల్లంఘిస్తున్నవారిపై పోలీసులు తీసుకొంటున్న చర్యలకూ వారు భయపడటం లేదు. హరియాణాలోని గురుగ్రామ్‌లో ఓ వ్యక్తి ప్రధాన రహదారిపై పరుగు తీస్తున్న కారుపైకి ఎక్కి పుష్‌అప్స్‌ తీస్తుండగా, మరో ముగ్గురు కారు డోర్లలో నుంచి బయటకు వచ్చి చేసిన హంగామా కలకలం రేపింది. ఈ వీడియో సామాజిక మాధ్యమాల్లో వైరల్‌గా మారి పోలీసుల దృష్టికి వెళ్లడంతో వెంటనే స్పందించారు. కారును సీజ్‌ చేసి, నిందితులను అదుపులోకి తీసుకొన్నారు. కారు యజమానికి రూ.6,500 జరిమానా విధించారు.