ఒడిశాలో పట్టాలు తప్పిన గూడ్స్‌ రైలు

దిల్లీ: ఒడిశాలోని బర్గఢ్‌ జిల్లాలో ఓ గూడ్స్‌ రైలు సోమవారం ఉదయం పట్టాలు తప్పింది. సున్నపు రాయి లోడుతో వెళుతున్న ఈ రైలు సంబర్‌ధార వద్ద ప్రమాదానికి గురైంది. ఎటువంటి ప్రాణనష్టం జరిగినట్లు సమాచారం లేదు. ఈ రైలు బర్గఢ్‌ నుంచి దుంగ్రీ ప్రాంతానికి వెళుతుండగా ఈ ఘటన చోటు చేసుకొంది. ఏసీసీ సిమెంట్‌ కర్మాగారంలో సున్నపురాయి గనుల నుంచి ప్లాంట్‌కు లోడు తీసుకెళుతుండగా ప్రైవేటు నేరో గేజ్‌ పట్టాలపై అయిదు బోగీలు పట్టాలు తప్పాయని అధికారులు వెల్లడించారు. ఈ రైలును ప్రైవేటు సంస్థ నిర్వహిస్తోందని, దానికి భారతీయ రైల్వేలతో సంబంధంలేదని వివరించారు.