వేలానికి మోదీ బహుమతులు

దిల్లీ: ప్రధాని మోదీకి వివిధ సందర్భాల్లో వచ్చిన 912 బహుమతులు, జ్ఞాపికలను సోమవారం నుంచి వేలానికి పెట్టారు. ఈ ప్రక్రియ ఈ నెల 31 వరకూ సాగనుంది. దీని ద్వారా వచ్చిన సొమ్మును గంగా నది శుద్ధి కార్యక్రమం ‘నమామి గంగే ప్రాజెక్టు’కు అందిస్తారు. వేలం ప్రక్రియ వివరాలను సోమవారం కేంద్ర మంత్రి మీనాక్షి లేఖి విలేకరులకు వివరించారు. ఈ-వేలంలో పౌరులు పాల్గొని ‘నమామి గంగే ప్రాజెక్టు’కు తమ సహకారాన్ని అందించాలని విజ్ఞప్తి చేశారు. ఆసక్తి కలవారు https://pmmementos.gov.in/  ను సందర్శించి వేలం ప్రక్రియలో పాల్గొనవచ్చు. గుజరాత్‌లోని మొధేరాలోని సూర్య దేవాలయం, చిత్తోడ్‌గఢ్‌ విజయ స్తంభం నమూనాలు, వారణాసి ఘాట్‌ పెయింటింగ్‌ వంటివి ఈ వేలంలో అమ్మకానికి ఉంచారు.