ఏడుగురి అరెస్టుకు నిరసనగా బంద్‌

మణిపుర్‌లోని చురాచాంద్‌పుర్‌లో స్తంభించిన జనజీవనం

ఇంఫాల్‌: మణిపుర్‌లో గిరిజనులు అధికంగా ఉండే చురాచాంద్‌పుర్‌ జిల్లాలో సోమవారం పూర్తి బంద్‌ కారణంగా సాధారణ జనజీవనం స్తంభించింది. ఇటీవల సంచలనం సృష్టించిన ఇద్దరు కళాశాల విద్యార్థుల హత్యకు సంబంధించి ఈ ప్రాంతానికి చెందిన ఇద్దరు మైనర్లు సహా ఏడుగురిని ఎన్‌ఐఏ, సీబీఐ అరెస్టు చేయడాన్ని నిరసిస్తూ కుకి తెగ సంఘాలు బంద్‌కు పిలుపునిచ్చాయి. మార్కెట్లు, వ్యాపార సంస్థలను మూసివేశారు. వాహనాలు రోడ్డెక్కలేదు. అరెస్టు చేసిన వారిని 48 గంటల్లో విడుదల చేయాలని ఆందోళనకారులు డిమాండ్‌ చేశారు.