Updated : 27/12/2020 12:57 IST

జమిలి ఎన్నికలపై భాజపా నేతృత్వంలో 25 వెబినార్లు

ఈనాడు, దిల్లీ: ప్రధానమంత్రి నరేంద్ర మోదీ పదే పదే చెబుతున్న ‘ఒకే దేశం, ఒకే ఎన్నిక’ అంశంపై విస్తృతంగా చర్చించి, ప్రజల్లో అవగాహన కల్పించే కార్యక్రమానికి భాజపా నాయకత్వం శ్రీకారం చుట్టింది. వచ్చే కొన్ని వారాల్లో దేశవ్యాప్తంగా 25 వెబినార్‌లను నిర్వహించనుంది. ఈ వెబినార్లలో పార్టీ సీనియర్‌ నేతలు, న్యాయనిపుణులు, విద్యావేత్తలు పాల్గొని వారివారి అభిప్రాయాలను వెల్లడించనున్నారు. 2019లో రెండోసారి అధికారంలోకి వచ్చినప్పటినుంచి ప్రధాని మోదీ జమిలి ఎన్నికల అంశంపై పట్టుదల ప్రదర్శిస్తున్నారు. ‘‘దేశంలో ప్రతి సంవత్సరం కొన్ని నెలలపాటు ఎక్కడోచోట ఎన్నికలు జరుగుతూనే ఉంటాయి. అవి అభివృద్ధి పనులపై ప్రభావం చూపుతున్నాయి. అందువల్ల ఒకే దేశం, ఒకే ఎన్నిక అన్న అంశంపై లోతైన అధ్యయనం, చర్చలు చేపట్టాల్సిన అవసరం ఉంది’’ అని నవంబర్‌ 26న రాజ్యాంగ దినోత్సవం సందర్భంగా ప్రధానమంత్రి నరేంద్రమోదీ వ్యాఖ్యానించారు. గత ఏడాది మే 30న అధికార బాధ్యతలు చేపట్టిన వెంటనే ఆయన ఇదే అంశంపై పార్లమెంటులో అఖిలపక్ష సమావేశం కూడా నిర్వహించారు. దీనిపై అన్ని రాజకీయపార్టీల అభిప్రాయాలు తెలుసుకోవడానికి ఒక కమిటీని ఏర్పాటుచేయాలని ప్రభుత్వం నిర్ణయించింది.


Read latest India News and Telugu News

 Follow us on Facebook, Twitter, Instagram, Koo, ShareChat and Google News. Subscribe our Telegram Channel.

Advertisement

Tags :

మరిన్ని

జిల్లా వార్తలు

సినిమా

మరిన్ని

బిజినెస్

మరిన్ని

క్రీడలు

మరిన్ని

పాలిటిక్స్

మరిన్ని

వెబ్ ప్రత్యేకం

మరిన్ని

జనరల్

మరిన్ని