చర్చలతో స్నేహపూర్వక పరిష్కారం

  చైనాతో ప్రతిష్టంభనపై సైన్యాధిపతి నరవణె వ్యాఖ్య

దిల్లీ: తూర్పు లద్దాఖ్‌లో భారత్‌, చైనాల మధ్య నెలకొన్న ప్రతిష్టంభనకు చర్చల ద్వారా స్నేహపూర్వక పరిష్కారం లభిస్తుందని సైన్యాధిపతి జనరల్‌ ఎంఎం నరవణె విశ్వాసం వ్యక్తం చేశారు. ‘పరస్పర, సమాన భద్రత’ సూత్రం ఆధారంగా చర్చలు సాగితే అది సాధ్యమన్నారు. జాతీయ లక్ష్యాలను సాధించేవరకూ సైన్యం సరిహద్దుల నుంచి వెనక్కి తగ్గదని ఉద్ఘాటించారు. ఈనెల 15న సైనిక దినోత్సవం సందర్భంగా దిల్లీలో మంగళవారం మీడియా సమావేశంలో ఆయన మాట్లాడారు. గతేడాది జరిగిన పరిణామాల నేపథ్యంలో చైనా సరిహద్దు వెంబడి మన దళాలను పునర్వ్యవస్థీకరించడానికి చర్యలు తీసుకున్నామని నరవణె చెప్పారు. తూర్పు లద్దాఖ్‌లో గతేడాది ఉన్న పరిస్థితే ఇప్పటికీ కొనసాగుతోందన్నారు.