Updated : 17 Jun 2021 06:44 IST

Corona: తీవ్రస్థాయి కొవిడ్‌ రోగుల పాలిట సంజీవని!

లండన్‌: తీవ్రస్థాయి కొవిడ్‌ బాధితుల ప్రాణాలను నిలబెట్టడంలో ఓ ఔషధ సమ్మేళనం మెరుగ్గా పనిచేస్తున్నట్లు పరిశోధకులు తేల్చారు. సొంతంగా యాంటీబాడీలను వృద్ధి చేసుకోలేకపోతున్న రోగుల పాలిట ఇది వరంగా మారే అవకాశముందని వారు పేర్కొన్నారు. అమెరికాకు చెందిన రీజెనరాన్‌ సంస్థ తయారుచేస్తున్న ‘రీజెన్‌-కొవ్‌’ అనే యాంటీ వైరల్‌ సమ్మేళనాన్ని.. గత ఏడాది సెప్టెంబరు నుంచి ఈ ఏడాది మే వరకు మొత్తం 9,875 మంది కొవిడ్‌ రోగులకు పరిశోధకులు అందించారు. అది కాసిరివిమాబ్‌, ఇమ్‌డెవిమాబ్‌ అనే రెండు మోనోక్లోనల్‌ యాంటీబాడీల మిశ్రమం. కణాల్లోకి చొచ్చుకెళ్లేందుకు కరోనా వైరస్‌ ఉపయోగించుకునే స్పైక్‌ ప్రొటీన్‌ సామర్థ్యాన్ని ఈ సమ్మేళనం దెబ్బతీస్తున్నట్లు తాము గుర్తించామని ఆక్స్‌ఫర్డ్‌ విశ్వవిద్యాలయం పరిశోధకుడు మార్టిన్‌ లాండ్రే తెలిపారు. వెంటిలేటర్‌ అవసరమయ్యే రోగుల సంఖ్య తగ్గుదలకు, ఆస్పత్రిలో చికిత్సా సమయాన్ని తగ్గించేందుకు ఇది దోహదపడుతున్నట్లు వెల్లడించారు. ప్రతి వంద మంది రోగుల్లో 6% మరణాలను ఈ సమ్మేళనం తగ్గించగలదని పేర్కొన్నారు.

Read latest India News and Telugu News

Follow us on Facebook, Twitter, Instagram, Koo, ShareChat, and Google News.

Tags :

గమనిక: ఈనాడు.నెట్‌లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు, సంస్థల నుంచి వస్తాయి. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సు సాంకేతికతతో పంపబడతాయి. ఏ ప్రకటనని అయినా పాఠకులు తగినంత జాగ్రత్త వహించి, ఉత్పత్తులు లేదా సేవల గురించి సముచిత విచారణ చేసి కొనుగోలు చేయాలి. ఆయా ఉత్పత్తులు / సేవల నాణ్యత లేదా లోపాలకు ఈనాడు యాజమాన్యం బాధ్యత వహించదు. ఈ విషయంలో ఉత్తర ప్రత్యుత్తరాలకి తావు లేదు.


మరిన్ని

ap-districts
ts-districts