అనేక రాష్ట్రాల్లో డెల్టా ఉపరకం

నిశిత పరిశీలన అవసరం: ఇన్సాకోగ్‌

దిల్లీ: ఇజ్రాయెల్‌లో తాజాగా కొవిడ్‌-19 కేసుల ఉద్ధృతికి కారణమవుతున్న డెల్టా వేయరింట్‌లోని ‘ఏవై.12’ అనే ఉపరకం భారత్‌లోని అనేక రాష్ట్రాల్లో కనిపిస్తోంది. ఈ కేసుల సంఖ్యపై మరింత నిశిత పరిశీలన అవసరమని దేశంలోని కరోనా జన్యుక్రమ ఆవిష్కరణ కన్సార్షియం (ఇన్సాకోగ్‌) పేర్కొంది. డెల్టా, ఏవై.12 మధ్య ఉన్న మార్పుల వల్ల తలెత్తే ప్రభావం ఏంటన్నది ఇంకా వెల్లడి కాలేదని తెలిపింది. అయితే పరమాణు స్థాయిలో ఆ రెండూ దాదాపుగా ఒకేలా ఉన్నాయని వివరించింది. ఏవై.12 ఉపరకం.. తన మాతృ రకమైన డెల్టాలో కనిపించే జీ142డీ సహా పలు ఉత్పరివర్తనలను కోల్పోయిందని తెలిపింది. అనేక దేశాల్లో డెల్టా వేరియంట్‌ వల్ల ఇప్పటికీ ఇన్‌ఫెక్షన్లు పెరుగుతున్నాయని వివరించింది.