Coronavirus: కరోనాకు కేరాఫ్‌గా మారిన ‘క్రెమ్లిన్‌’

రష్యా అధ్యక్షుడు పుతిన్‌ వెల్లడి

మాస్కో: రష్యా అధ్యక్ష భవనం ‘క్రెమ్లిన్‌’ కరోనా వైరస్‌కు కేరాఫ్‌ అడ్రస్‌గా మారింది. ఈ విషయాన్ని అధ్యక్షుడు వ్లాదిమిర్‌ పుతిన్‌ స్వయంగా వెల్లడిస్తూ.. సిబ్బందిలో డజన్లకొద్దీ ఈ మహమ్మారి బారినపడటంతో తన స్వీయ ఏకాంతవాసాన్ని కొనసాగిస్తున్నట్లు వెల్లడించారు. స్వదేశీ వ్యాక్సిన్‌ స్పుత్నిక్‌ వి. రెండు డోసులూ తీసుకొన్న పుతిన్‌కు కరోనా పరీక్షల్లో నెగెటివ్‌ వచ్చినప్పటికీ, సిబ్బందిలో కొద్దిమందికి పాజిటివ్‌ రావడంతో మూడు రోజుల కిందట ఆయన స్వీయ ఏకాంత వాసంలోకి వెళ్లిన విషయం తెలిసిందే. తాజాగా ఈ ఇన్ఫెక్షన్‌ మరింత పెరిగినట్లు రష్యా నేతృత్వంలోని సమష్టి ఒప్పంద భద్రతాసంస్థ సదస్సులో గురువారం వీడియో లింక్‌ ద్వారా మాట్లాడుతూ పుతిన్‌ తెలిపారు. పరిస్థితి అదుపులోనే ఉందని క్రెమ్లిన్‌ అధికార ప్రతినిధి చెప్పారు.