Updated : 07/10/2021 10:08 IST

‘బాణసంచా’లో ఇంకా నిషిద్ధ పదార్థాలు

పటాసుల నిషేధాన్ని అమలు చేయాల్సిందే: సుప్రీం

దిల్లీ: పర్యావరణానికి హాని కలిగించని హరిత బాణసంచా తయారు చేస్తున్నామని చెప్పి అందులోనూ నిషిద్ధ పదార్థాలను ఉపయోగిస్తుండడాన్ని బుధవారం సుప్రీంకోర్టు తప్పుపట్టింది. పటాసులు, ఇతర పేలుడు స్వభావం ఉన్న మందుగుండును నిషేధిస్తూ గతంలో ఇచ్చిన ఆదేశాలను అన్ని రాష్ట్రాలు అమలు చేయాల్సిందేనని జస్టిస్‌ ఎం.ఆర్‌.షా, జస్టిస్‌ ఎ.ఎస్‌.బోపన్నలతో కూడిన ధర్మాసనం తెలిపింది. పండగకు తాము వ్యతిరేకం కాదని, అయితే అది ఇతరులకు నష్టం కలిగించకూడదని స్పష్టం చేసింది. కాకర పువ్వొత్తులు వంటివి ఉపయోగించి కూడా పండగ చేసుకోవచ్చని, శబ్దాలు చేసే టపాకాయలే అవసరం లేదని తెలిపింది. పటాసులపై నిషేధం ఉన్నప్పటికీ, మార్కెట్‌లో అవి ఎలా లభ్యమవుతున్నాయని ప్రశ్నించింది. తొలుత పిటిషన్‌దారు అర్జున్‌ గోపాల్‌ తరఫున సీనియర్‌ న్యాయవాది గోపాల్‌ శంకర్‌ నారాయణ్‌ మాట్లాడుతూ బాణసంచా వినియోగం వల్ల కలుగుతున్న దుష్ఫలితాలపై సీబీఐ చేసిన దర్యాప్తు ఆధారంగా అదనపు ప్రమాణ పత్రం సమర్పించామని చెప్పారు. బాణసంచా తయారీదార్ల తరఫున సీనియర్‌ న్యాయవాది దుష్యంత్‌ దవే వాదనలు వినిపిస్తూ ఈ రంగంపై అయిదు లక్షల కుటుంబాలు ఆధారపడి ఉన్నాయని చెప్పారు. తయారీ కేంద్రమైన తమిళనాడులోని శివకాశిలో అన్ని జాగ్రత్తలు తీసుకుంటున్నారని తెలిపారు. ధర్మాసనం దీంతో ఏకీభవించలేదు. తదుపరి విచారణను ఈ నెల 26వ తేదీకి వాయిదా వేసింది.


Read latest India News and Telugu News

 Follow us on Facebook, Twitter, Instagram, Koo, ShareChat and Google News. Subscribe our Telegram Channel.

Advertisement

Tags :

మరిన్ని

జిల్లా వార్తలు

సినిమా

మరిన్ని

బిజినెస్

మరిన్ని

క్రీడలు

మరిన్ని

పాలిటిక్స్

మరిన్ని

వెబ్ ప్రత్యేకం

మరిన్ని

జనరల్

మరిన్ని