రష్యాలో మృత్యుకల్లోలం!

ఒక్క రోజులో 1,015 కొవిడ్‌ మరణాలు

మాస్కో: రష్యాలో కొవిడ్‌ మహమ్మారి మృత్యుకల్లోలం రేపుతోంది. రోజురోజుకీ మరణాలు, కేసులు పెరుగుతున్నాయి. కరోనా వ్యాప్తి తర్వాత ఎన్నడూ లేనంతగా మంగళవారం 1,015 కొవిడ్‌ మరణాలు సంభవించాయి. 24 గంటల్లో 33,740 కొత్త కేసులు నమోదయ్యాయి. రష్యాలో ఇంతవరకు మొత్తం 80.60 లక్షలకు పైగా కేసులు నమోదు కాగా.. 2,25,325 మంది మృత్యువాత పడ్డారు. దేశంలో ఈనెల 30 నుంచి వారం రోజుల పాటు సెలవు ప్రకటించాలని ఉప ప్రధాని తత్యానా గోలికోవా సూచించారు. ఈమేరకు దేశాధ్యక్షుడు వ్లాదిమిర్‌ పుతిన్‌ను మంత్రివర్గం కోరనున్నట్లు తెలిపారు. కాగా దేశవ్యాప్త లాక్‌డౌన్‌ విధించడానికి రష్యా ఇంతవరకు సుముఖంగా లేదు.