తాజ్‌మహల్‌ పాన్‌.. ఖరీదు రూ.లక్ష!

పాన్‌ ధర ఎంతుంటుంది? మహా అయితే 50 రూపాయలు. అయితే.. ముంబయిలోని ఓ షాపులో లభించే ప్రీమియం పాన్‌ ధర రూ.లక్ష రూపాయలు. నౌషాద్‌ అనే వ్యక్తి ఎంఎన్‌సీలో ఉద్యోగాన్ని వదిలి  ‘ది పాన్‌ స్టోరీ’ పేరుతో దీన్ని నిర్వహిస్తున్నారు. వివిధ రకాల పాన్‌లను విక్రయిస్తూ కస్టమర్లను ఆకట్టుకునే నౌషాద్‌.. ఈసారి తాజ్‌మహల్‌ పాన్‌ను రూపొందించాడు. ప్రేమకు ప్రతీకైన తాజ్‌మహల్‌కు తన స్పెషల్‌ పాన్‌ను జోడిస్తే ఆ అనుభూతే వేరు అంటున్నారు నౌషాద్‌. దీనిని ఎవరికైనా బహూకరిస్తే ఆ క్షణం వారికి జీవితాంతం గుర్తుండిపోయేలా ఈ తాజ్‌మహల్‌ పాన్‌ను తయారు చేసినట్లు తెలిపారు.