Bharat biotech: శబరిమలలో అన్నదానానికి భారత్‌ బయోటెక్‌ రూ.కోటి విరాళం

భారత్‌ బయోటెక్‌ ఎండీ కృష్ణ ఎల్ల ఉదారత

అయ్యప్పస్వామిని దర్శించుకుంటున్న డా.కృష్ణ ఎల్ల, సుచిత్ర ఎల్ల

శబరిమల: ఔషధ సంస్థ భారత్‌ బయోటెక్‌ ఎండీ డా.కృష్ణ ఎల్ల సతీసమేతంగా శబరిమల అయ్యప్ప స్వామిని దర్శించుకున్నారు.  అనంతరం అన్నదాన కార్యక్రమం కోసం ఆలయానికి రూ.కోటి విరాళం ప్రకటించారు. శబరిమల కార్యనిర్వాహక అధికారి వి.కృష్ణకుమార్‌ వారియర్‌కు నగదును ఆన్‌లైన్‌ ద్వారా బదిలీ చేశారు. భారీ విరాళం అందించి ఉదారత్వాన్ని చాటుకున్న డా.కృష్ణ ఎల్ల దంపతులకు ట్రావెన్‌కోర్‌ దేవస్వాం బోర్డు అధ్యక్షుడు అనంతగోపన్‌ కృతజ్ఞతలు తెలిపారు. ఆలయ ఉద్యోగుల ఆరోగ్య సంరక్షణ, శబరిమల అభివృద్ధిలో సహకారం అందించేందుకు సిద్ధంగా ఉన్నట్లు డా.కృష్ణ ఈ సందర్భంగా వెల్లడించారు.