ప్రజలు ఏం తినాలో మీరెలా నిర్ణయిస్తారు?

మాంసాహార వివాదంపై గుజరాత్‌ హైకోర్టు ఆగ్రహం

అహ్మదాబాద్‌: ప్రజలు తమకు నచ్చిన ఆహారాన్ని తింటారని, దానిని నియంత్రించే అధికారం మీకెవరిచ్చారంటూ అహ్మదాబాద్‌ మున్సిపల్‌ కార్పొరేషన్‌(ఏఎంసీ)పై గుజరాత్‌ హైకోర్టు అసహనం వ్యక్తం చేసింది. అధికార దుర్వినియోగానికి పాల్పడవద్దని తేల్చిచెప్పింది. మాంసాహార విక్రయదారులే లక్ష్యంగా ఏఎంసీ చర్యలు చేపడుతోందని ఆరోపిస్తూ వీధి వ్యాపారులు దాఖలు చేసిన పిటిషన్‌పై ఈ విధంగా స్పందించింది. మాంసాహార విక్రయదారులనే లక్ష్యంగా చేసుకుని ప్రభుత్వం చర్యలు చేపడుతోందన్న వాదనలో నిజం లేదని ఏఎంసీ తరపు న్యాయవాది హైకోర్టుకు తెలిపారు.