CBSE: 12వ తరగతి విద్యార్థులకు గ్రేస్‌ మార్కులు అసత్యం..

నకిలీ వార్తలపై హెచ్చరించిన సీబీఎస్‌ఈ

దిల్లీ: పన్నెండో తరగతి అకౌంటన్సీ టర్మ్‌-1 ప్రశ్నపత్రంలో చోటుచేసుకున్న పొరపాటు కారణంగా విద్యార్థులకు 6 గ్రేస్‌ మార్కులు ఇవ్వనున్నట్లు వస్తున్న వార్తలు అసత్యమని సీబీఎస్‌ఈ వెల్లడించింది. సీబీఎస్‌ఈ పరీక్షల నిర్వహణాధికారి పేరిట సామాజిక మాధ్యమాల్లో చక్కర్లు కొడుతున్న ఆడియో సందేశం నకిలీదని స్పష్టం చేసింది. 28 నుంచి 31 ప్రశ్నలకు సరైన సమాధానాలు రాసిన వారికి 38 మార్కులు ఇవ్వనున్నట్లు ఆ సందేశంలో వినిపిస్తోంది. అది నిజం కాదని సీబీఎస్‌ఈ పేర్కొంది. విద్యార్థులు అలాంటివాటిని నమ్మవద్దని హెచ్చరించింది.